قازاقستاندا سوڭعى ءبىر ايدا ۆاكتسينالاۋ قارقىنى ەكى ەسەگە ارتقان. بۇگىندە ەلىمىزگە 8,7 ملن دوزا ۆاكتسينا اكەلىنىپ، ونىڭ ىشىندە 6,6 ملن دوزا ۆاكتسينا سالىنعان دەپ حابارلايدى "ادىرنا" ۇلتتىق پورتالى.
بۇل تۋرالى قر پرەمەر-ءمينيسترىنىڭ ورىنباسارى ەرالى توعجانوۆ ۇكىمەتتىڭ كەڭەيتىلگەن وتىرىسىندا مالىمدەدى.
ونىڭ ايتۋىنشا، بۇگىنگە دەيىن ەلىمىزدە ەكپەنىڭ ءبىرىنشى كومپونەنتىمەن 4,2 ملن اسا ادام نەمەسە ءتيىستى كونتينگەنتتىڭ 42,8 پايىزى ەگىلگەن. ال ەكىنشى كومپونەنتپەن 2,4 ملن جۋىق ادام قامتىلعان.
سونداي-اق پرەمەر-ءمينيستردىڭ ورىنباسارى قازاقستان بويىنشا قانداي وڭىرلەردە ۆاكتسينالاۋ قارقىنى تومەن دەڭگەيدە ەكەنىن ايتتى. اتاپ ايتساق، ماڭعىستاۋ وبلىسىندا ءبىرىنشى كومپونەنتپەن ءتيىستى كونتينگەنتتىڭ 21,5 پايىزى، اقتوبە وبلىسىندا – 34,9 پايىز، بقو-دا – 35,5 پايىزى عانا ەگىلگەن.
«Ashyq جوباسى 13,5 مىڭنان اسا بيزنەس سۋبەكتىلەرىنە پاندەميا كەزىندە جۇمىس ىستەۋگە مۇمكىندىك بەردى. ناتيجەسىندە 96 پايىز شاعىن جانە ورتا بيزنەستىڭ جۇمىسى قالپىنا كەلتىرىلدى. Ashyq ارقىلى انىقتالعان 11,5 مىڭنان اسا كارانتين رەجيمىن بۇزعاندارعا، تالاپتى ساقتاماعان مىڭ سۋبەكتىگە قاتىستى شارالار قابىلداندى»، - دەدى ە. توعجانوۆ.
ايتا كەتەيىك، بۇگىن مەملەكەت باسشىسى قاسىم-جومارت توقاەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى وتكەن بولاتىن.
"ادىرنا" ۇلتتىق پورتالى.
