تاجىكستاننىڭ ۇلتتىق قاۋىپسىزدىك جونىندەگى مەملەكەتتىك كوميتەتى (ۇقك) قىرعىز شەكاراشىلارىنىڭ مەملەكەتتىك شەكارانى بۇزىپ، اتىس ۇيىمداستارعانى تۋرالى حابارلادى.
وقيعا 8 شىلدەدە جەرگىلىكتى ۋاقىت بويىنشا ساعات 14:55-تە بولعان. اتاپ ايتقاندا، ءتورت قىرعىز شەكاراشىسى قىرعىز-تاجىك شەكاراسىن زاڭسىز كەسىپ وتكەن.
ۇقك شەكارا اسكەرلەرىنىڭ مالىمەتتەرى بويىنشا، قىرعىز اسكەرلەرى ازاماتتىق جانە اسكەري كيىم كيىپ، اۆتوماتتارمەن قارۋلانعان. تاجىك تاراپىنىڭ نۇسقاسى بويىنشا، اتىستى ءبىرىنشى بولىپ قىرعىزدار باستاعان. ناتيجەسىندە بىرنەشە شابۋىلداۋشى زارداپ شەككەن. ازىرگە جارالانعاندار تۋرالى اقپارات جاريالانعان جوق.
«ادىرنا» ۇلتتىق پورتالى
