اقش اسكەرى يران كەمەلەرىنە, سونىڭ ىشىندە ميناتاسىعىش 16 كاتەرگە سوققى جاسادى. بۇل تۋرالى ەلدىڭ قارۋلى كۇشتەرىنىڭ ورتالىق قولباسشىلىعى مالىمدەدى، دەپ حابارلايدى «ادىرنا» ءتىلشىسى.
ورمۋز بۇعازى ماڭىندا يراننىڭ مينالى كەمەلەرىنىڭ جويىلعانىن اقش پرەزيدەنتى دونالد ترامپ جەلىدەگى پاراقشاسىندا راستادى. CENTCOM ءوز كەزەگىندە كەمەلەرگە جاسالعان سوققىلاردىڭ ۆيدەوسىن جاريالادى.
10 ناۋرىز كۇنى تاڭەرتەڭ يسلام رەۆوليۋتسياسىنىڭ كۇزەت كورپۋسى اقش پەن يزرايل ەلگە شابۋىلدارىن جالعاستىرىپ جاتقان كەزدە يران ايماقتان ءبىر ليتر مۇناي ەكسپورتتالۋىنا جول بەرمەيتىنىن مالىمدەگەن ەدى.
ايتا كەتەيىك، ورمۋز بۇعازى — ورتا شىعىس ەلدەرىنەن مۇناي تاسىمالداۋدىڭ ەڭ ماڭىزدى ارتەريالارىنىڭ ءبىرى. يزرايل مەن اقش-تىڭ يرانعا باستاعان سوعىسىنان بەرى بۇل بۇعاز ءىس جۇزىندە پايدالانىلماي كەلەدى. 28 اقپاننان باستاپ بۇعازدا تەك ءبىر عانا تانكەردىڭ يران شابۋىلىنان امان قالعانى ايتىلدى.
بۇعان دەيىن دونالد ترامپ مۇناي اعىنى توقتاسا، يرانعا بۇرىنعىدان 20 ەسە كۇشتىرەك سوققى بەرىلەتىنىن مالىمدەگەن.
