Тәжікстанның Ұлттық қауіпсіздік жөніндегі мемлекеттік комитеті (ҰҚК) қырғыз шекарашыларының мемлекеттік шекараны бұзып, атыс ұйымдастарғаны туралы хабарлады.
Оқиға 8 шілдеде жергілікті уақыт бойынша сағат 14:55-те болған. Атап айтқанда, төрт қырғыз шекарашысы қырғыз-тәжік шекарасын заңсыз кесіп өткен.
ҰҚК Шекара әскерлерінің мәліметтері бойынша, қырғыз әскерлері азаматтық және әскери киім киіп, автоматтармен қаруланған. Тәжік тарапының нұсқасы бойынша, атысты бірінші болып қырғыздар бастаған. Нәтижесінде бірнеше шабуылдаушы зардап шеккен. Әзірге жараланғандар туралы ақпарат жарияланған жоқ.
«Адырна» ұлттық порталы
