Tájikstannyń Ulttyq qaýipsizdik jónindegi memlekettik komıteti (UQK) qyrǵyz shekarashylarynyń memlekettik shekarany buzyp, atys uıymdastarǵany týraly habarlady.
Oqıǵa 8 shildede jergilikti ýaqyt boıynsha saǵat 14:55-te bolǵan. Atap aıtqanda, tórt qyrǵyz shekarashysy qyrǵyz-tájik shekarasyn zańsyz kesip ótken.
UQK Shekara áskerleriniń málimetteri boıynsha, qyrǵyz áskerleri azamattyq jáne áskerı kıim kıip, avtomattarmen qarýlanǵan. Tájik tarapynyń nusqasy boıynsha, atysty birinshi bolyp qyrǵyzdar bastaǵan. Nátıjesinde birneshe shabýyldaýshy zardap shekken. Ázirge jaralanǵandar týraly aqparat jarııalanǵan joq.
«Adyrna» ulttyq portaly
