الماتى وبلىسىنداعى دەمالىس بازاسىندا ەر ادام كامەلەتكە تولماعان قىزدارعا زورلىق-زومبىلىق ارەكەتتەرىن جاسادى دەپ ايىپتالدى ، دەپ حابارلايدى "ادىرنا" ۇلتتىق پورتالى.
وقيعانىڭ جاي-جاپسارى taldykorganec.insta سايتىندا جاريالاندى.
اۆتوردىڭ ايتۋىنشا، ەر ادام باسسەيندەگى قىزدار مەن ايەلدەرگە تيىسكەن.
ءوز كەزەگىندە، اكىمشىلىك «بالالار باسسەيندە جۇزبەسە دە بولادى» دەگەن مالىمدەمە جاسادى.
"قىزىم 17 جاستا، جيەنى 18-دە. سوندا قالاي؟ مەن ولار ءۇشىن اقشانى تولەدىم، وندا نەگە بالالارىم سۋعا تۇسپەي جاعادا وتىرۋى كەرەك", - دەپ ءتۇسىندىردى ايەل.
ناتيجەسىندە قىلمىسكەر تابىلدى. دەمالۋشىلار سول ەر ادامنىڭ ماس بولعانىن جانە 14 - 16 جاستاعى قىزدارعا تيىسكەنىن ايتتى.
وبلىستىق پوليتسيا 5 شىلدەدە ايەلدىڭ 16 جاستاعى قىزىنىڭ باسسەيندە ءجۇزىپ جۇرگەن كەزىندە وعان بوتەن ەر ادامنىڭ تيسىكەنى تۋرالى ارىزىن قابىلدادى.
"كۇدىكتى تۋرالى اقپارات ناقتىلاندى. ول ەسكەلدى اۋدانى، قارابۇلاق اۋىلىنىڭ 34 جاستاعى تۇرعىنى بولىپ شىقتى", دەپ حابارلادى پوليتسيانىڭ ءباسپاسوز قىزمەتى.
قازاقستان رەسپۋبليكاسى قىلمىستىق كودەكسىنىڭ 122-ب. 1-تارماعىنا قاتىستى (ون التى جاسقا تولماعان اداممەن جىنىستىق قاتىناس نەمەسە سەكسۋالدىق سيپاتتاعى وزگە دە ارەكەتتەر جاساۋ) سوتقا دەيىنگى تەرگەۋ ەنگىزىلدى.
"ادىرنا" ۇلتتىق پورتالى
