«Qyzdarǵa tıisti» - Almaty oblysyndaǵy demalys bazasynda janjal týyndady

5611
Adyrna.kz Telegram

Almaty oblysyndaǵy demalys bazasynda er adam kámeletke tolmaǵan qyzdarǵa zorlyq-zombylyq áreketterin jasady dep aıyptaldy , dep habarlaıdy "Adyrna" ulttyq portaly.

Oqıǵanyń jaı-japsary taldykorganec.insta saıtynda jarııalandy.

Avtordyń aıtýynsha, er adam basseındegi qyzdar men áıelderge tıisken.

Óz kezeginde, ákimshilik «balalar basseınde júzbese de bolady» degen málimdeme jasady.

"Qyzym 17 jasta, jıeni 18-de. Sonda qalaı?  Men olar úshin aqshany tóledim, onda nege balalarym sýǵa túspeı jaǵada otyrýy kerek", - dep túsindirdi áıel.

Nátıjesinde qylmysker tabyldy. Demalýshylar sol er adamnyń mas bolǵanyn jáne 14 - 16 jastaǵy qyzdarǵa tıiskenin aıtty.

Oblystyq polıııa 5 shildede áıeldiń 16 jastaǵy qyzynyń basseınde júzip júrgen kezinde oǵan bóten er adamnyń tısikeni týraly aryzyn qabyldady.

"Kúdikti týraly aqparat naqtylandy. Ol Eskeldi aýdany, Qarabulaq aýylynyń 34 jastaǵy turǵyny bolyp shyqty", dep habarlady polıııanyń baspasóz qyzmeti.

Qazaqstan Respýblıkasy Qylmystyq kodeksiniń 122-b. 1-tarmaǵyna qatysty (on alty jasqa tolmaǵan adammen jynystyq qatynas nemese seksýaldyq sıpattaǵy ózge de áreketter jasaý) sotqa deıingi tergeý engizildi.

"Adyrna" ulttyq portaly

Pikirler