الماتى مەن اتىراۋ قالالارىنداعى بەينەباقىلاۋ كامەرالارىنا وزگەرىس ەنگىزىلدى. باس پروكۋراتۋرا ەلىمىزدىڭ بارلىق قالاسىندا بەت-الپەتىن تانۋ ءۇشىن جاساندى ينتەللەكت قوسىلاتىنىن مالىمدەدى، - دەپ حابارلايدى "ادىرنا" ۇلتتىق پورتالى.
بەت-الپەتىن تانۋ جۇيەسىن ەنگىزۋ تۋرالى قازاقستاننىڭ باس پروكۋرورى بەرىك اسىلوۆ ح الەۋمەتتىك جەلىسىندەگى پاراقشاسىندا حابارلادى.
بەرىك اسىلوۆتىڭ ايتۋىنشا، باس پروكۋراتۋرا سوت تورەلىگىنەن جاسىرىنعان ادامداردى ىزدەستىرۋ بارىسىنا قاداعالاۋدى كۇشەيتكەن.
بيىل بەينەباقىلاۋ كامەرالارىنا وزدەرى مونيتورينگ جاساۋ ارقىلى 53 قاشقىندى تانىپ، ۇستاۋ شارالارىن قابىلداعان. ال كامەرالارداعى جاساندى ينتەللەكت جۇيەسى ازىرگە ەكى قالادا ىسكە قوسىلعان.
"بيىل تامىزدان باستاپ الماتى مەن اتىراۋ قالالارىنداعى بەينەباقىلاۋ كامەرالارىنا ءبىز قاشقىن قىلمىسكەرلەردى، بورىشكەرلەردى جانە حابار-وشارسىز كەتكەندەردى اۆتوماتتى تۇردە تانۋ بويىنشا AI ەلەمەنتتەرىمەن IT-ازىرلەۋدى قوستىق. ەكى كۇن ىشىندە تەرگەۋدەن جاسىرىنعان 2 ادام جانە حابار-وشارسىز كەتكەن 2 ادام تانىلدى", - دەدى بەرىك اسىلوۆ.
باس پروكۋرور جي كامەرالارىنىڭ كومەگىمەن جاس پەن سىرت كەلبەتتىڭ وزگەرۋىنە قاراماستان ادامداردى تاۋىپ، ىزدەۋ شارالارىن كۇشەيتۋگە بولاتىنىن جەتكىزدى.
"پروكۋرورلارعا جۇيەنى بارلىق وڭىرلەرگە ەنگىزۋ تاپسىرىلدى. قازىر 9 مىڭنان استام ادام ىزدەستىرىلىپ جاتىر، ونىڭ 2,2 مىڭى قىلمىسكەر جانە 2 مىڭى حابارسىز جوعالعاندار".
