الماتىدا تاعى ءبىر اۆتوبۋس جول اپاتىنا ۇشىرادى. پوليتسيا مالىمەتىنشە، اۆتوبۋس پەن جەڭىل كولىك سوعىلىپ، سالدارىنان ەكى ادام قازا تاپقان، دەپ حابارلايدى “ادىرنا” ۇلتتىق پورتالى.
جول اپاتى تۇندە الماتىنىڭ مەدەۋ اۋدانىندا بولدى.
«تويوتا» ماركالى اۆتوكولىكتىڭ جۇرگىزۋشىسى تالعار تاس جولىمەن باتىس باعىتتا كەلە جاتىپ، قاراما-قارسى باعىتقا شىعىپ كەتىپ، جەكە تاسىمالداۋشىعا تيەسىلى اۆتوبۋسپەن سوقتىعىسقان. جول اپاتى سالدارىنان «تويوتا» كولىگىندەگى ەكى جولاۋشى قازا تاپتى»، - دەپ حابارلادى ۆەدومستۆودان.
جول اپاتى بويىنشا قىلمىستىق ءىس قوزعالىپ، ءتيىستى ساراپتامالار تاعايىندالدى.
