ول قازاقستاندى ودان ءارى دامىتۋعا، ونىڭ ىشىندە الەۋمەتتىك-ەكونوميكالىق سالالاردى نىعايتۋعا، حالىقتىڭ ءال-اۋقاتىن ارتتىرۋعا جانە ساياسي ترانسفورماتسيانى ىسكە اسىرۋعا باعىتتالعان.
كەزدەسۋدە ءماسليحات حاتشىسى ستانيسلاۆ كانكۋروۆ، پارتيا فراكتسيالارى مەن تۇراقتى كوميسسيالاردىڭ جەتەكشىلەرى جانە دەپۋتاتتار كەنجەحان ماتىجانوۆ، اسيا اقانوۆا، نۇرسۇلتان شوقانوۆ، ماحامبەت حاسەنوۆ، فەدور كونستانتينوۆ، سەرىك ەسماتوۆ، ارايلىم شاموۆا ءسوز سويلەدى.
جولداۋ بارىسىندا پرەزيدەنت ماڭىزدى الەۋمەتتىك-قوعامدىق جانە ەكونوميكالىق ماسەلەلەردى كوتەردى، مەملەكەتتىك اپپاراتقا بىرقاتار تاپسىرمالار بەردى، شوب-تى قولداۋ بويىنشا ءتيىمدى شارالاردى جانە تاعى باسقالاردى ۇسىندى. قۇرىلىمدىق قايتا قۇرۋلار ساياسي جاڭعىرۋدىڭ جالعاسى بولۋعا ءتيىس.
قوعامدىق يگىلىكتەردىڭ جوعارى دەڭگەيىنە جانە حالىقتىڭ الەۋمەتتىك وسال ساناتتارىن، ونىڭ ىشىندە ەرەكشە قاجەتتىلىكتەرى بار ازاماتتاردى قولداۋعا كەپىلدىك بەرىلەدى.
«ءاربىر وتباسى ەلدىڭ ۇلتتىق بايلىعىن پايدالانۋدان ناقتى قايتارىم الۋعا ءتيىس. سوندىقتان مەن جاريالاعان بالالار جىلى اياسىندا «ۇلتتىق قور – بالالارعا» اتتى تۇبەگەيلى جاڭا باعدارلامانى باستاۋ وتە ماڭىزدى دەپ سانايمىن»، - دەدى پرەزيدەنت قاسىم-جومارت توقاەۆ.
ۇلتتىق قوردىڭ جىل سايىنعى ينۆەستيتسيالىق تابىسىنىڭ 50%-ىن 18 جاسقا تولعانعا دەيىن بالالاردىڭ ارنايى جيناقتاۋشى شوتتارىنا مەرزىمىنەن بۇرىن الۋ قۇقىعىنسىز اۋدارۋ ۇسىنىلادى.
«پرەزيدەنت ەل ەكونوميكاسىن جەتىلدىرۋگە، ينفراقۇرىلىمدى دامىتۋعا، شاعىن جانە ورتا بيزنەستى قولداۋدى نىعايتۋعا، اۋىل شارۋاشىلىعى سەكتورىنىڭ قارقىندى وسۋىنە باسىمدىق بەردى. وسىمەن بىرگە سالىق كودەكسىن جانە وزگە دە بىرقاتار مەملەكەتتىك رەتتەۋ مەحانيزمدەرىن تۇبەگەيلى تۇردە قايتا قۇرۋعا نازار اۋداردى»، - دەدى ءماسليحات حاتشىسى ستانيسلاۆ كانكۋروۆ.
«بۇگىن پرەزيدەنتىمىز قاسىم-جومارت توقاەۆ ەل دامۋىنىڭ جاڭا كەزەڭىنە اياق باسقان شاعىندا حالىققا ءوز جولداۋىن جاسادى. اتالعان جولداۋدا ەلىمىزىڭ ءارى قاراي دامۋى ءۇشىن بىرقاتار ماڭىزدى باعىتتار ايقىندالىپ، ناقتى تاپسىرمالار بەرىلدى. حالىق ۇنىنە قۇلاق اساتىن مەملەكەت ەكەندىگىن تاعى دا دالەلدەپ، تۇرعىندار كوتەرگەن الەۋمەتتىك-ماڭىزدى سالالارعا دا تىڭ سەرپىن بەرەتىن جوبالاردى ۇسىندى» - دەدى دەپۋتات سەرىك ەسماتوۆ.
«2022 جىلعى قازاقستان رەسپۋبليكاسىنىڭ پرەزيدەنتى قاسىم جومارت كەمەلۇلى توقاەۆتىڭ جولداۋىنىڭ ەرەكشەلىگى جىلداعىدان اۋقىمى كەڭ، مازمۇندى بولدى. ءبىلىم سالاسىنا اسا نازار اۋدارىپ، «تاربيە تال بەسىكتەن باستالادى» دەپ باستادى. بىرىنشىدەن، بالاباقشا تاربيەشىلەرىنىڭ جالاقىسىن كوتەرۋ كەرەك. سونداي-اق، مەكتەپتەردە ساپالى ءبىلىم بەرۋدىڭ ماڭىزدىلىعى ايتىلدى. پرەزيدەنت جولداۋىنىڭ ەل حالقىنىڭ كۇندەلىكتى ءومىرىنىڭ وسىنداي ماڭىزدى اسپەكتىلەرىن قوزعاعانى قۋانتادى", - دەدى دەپۋتات ارايلىم شاموۆا.
سونىمەن قاتار، مەملەكەت باسشىسى كەلەسى باسىمدىقتاردى ايتتى:
- مەملەكەت ەكونوميكالىق ەركىندىكتى قولدايدى. بىراق، حالىقتى نارىق تۇراقسىزدىعىنىڭ ىقپالىنان بارىنشا قورعايدى. شاعىن جانە ورتا بيزنەستى مەيلىنشە دامىتادى.
- «ءسان - سالتانات سالىعىن» ەنگىزۋى. مۇنىڭ ورتا تاپقا قاتىسى جوق، بۇل سالىق تەك اسا قىمبات جىلجىمايتىن مۇلىك جانە اۆتوكولىك ساتىپ العان كەزدە سالىنادى.
- ەڭ تومەنگى جالاقى دەڭگەيدى 60-تان 70 مىڭ تەڭگەگە دەيىن كوتەرۋ تاپسىرىلدى.
- ءبىلىم الۋعا جىلدىق ءوسىمى 2-3 پايىز بولاتىن جەڭىلدەتىلگەن نەسيە دە بەرىلەدى.
- ستۋدەنتتەر جاتاقحانامەن قامتاماسىز ەتىلۋى ءتيىس. مەملەكەت، جوعارى وقۋ ورىندارى مەن قۇرىلىس كومپانيالارى بەلسەندى ىنتىماقتاسۋى قاجەت.
- 2023 جىلعى 1 قاڭتاردان باستاپ بالا كۇتىمى ءۇشىن تولەماقى تولەۋ مەرزىمىن ءسابي ءبىر جارىم جاسقا تولعانعا دەيىن ۇزارتىلادى. بالالاردىڭ ەڭ ماڭىزدى شاعىندا – ءسابي كەزىندە اتا-انالارى جانىندا كوبىرەك بولادى.
- وتباسىلىق زورلىق-زومبىلىق ءۇشىن جازانى قاتايتاتىن كەز كەلدى. بىراق، قالاي دەسەك تە، وتباسىلىق زورلىق-زومبىلىققا كوز جۇما قاراۋعا بولمايدى.
- 2022 جىلدىڭ كۇزىندە كەزەكتەن تىس پرەزيدەنت سايلاۋىن وتكىزۋ ۇسىنىلدى. سونداي-اق، پرەزيدەنتتىك وكىلەتتىكتەردىڭ سانى مەن ۇزاقتىعىن قايتا قاراۋ، اتاپ ايتقاندا ونى ءبىر مەرزىمگە (7 جىلعا) شەكتەۋ جانە قايتا سايلاۋعا تىيىم سالۋ ۇسىنىلدى.
- 2023 جىلدىڭ ءبىرىنشى جارتىسىندا ءماجىلىس پەن بارلىق دەڭگەيلى ءماسليحاتتار سايلاۋى وتەدى.
