دارىگەر الەكساندر مياسنيكوۆ ۇزاق ءومىر ءسۇرۋدىڭ ەڭ ءتيىمدى ءارى وڭاي ءتاسىلىن مالىمدەدى، دەپ حابارلايدى “ادىرنا” ۇلتتىق پورتالى.
ريا ءنوۆوستيدىڭ جازۋىنشا، ساراپشى سپورتتىق جاتتىعۋلار ادامعا كەز كەلگەن جاستا قاجەت ەكەنىن اتاپ ءوتتى. ونكولوگيا سىندى اۋىر سىرقاتى بارلار دا ۇنەمى جاتتىعۋعا ءمان بەرۋى كەرەك.
"قاتەرلى ىسىك دياگنوزى قويىلعان ناۋقاس توسەك تارتىپ جاتسا دا، جاتتىعۋ جاساعانى ءجون. سول كەزدە ءبىرشاما ۇزاق ءومىر سۇرەتىن بولادى", — دەيدى دارىگەر.
مياسنيكوۆ بۇل ءۇشىن فيتنەس-كلۋبتارعا ابونەمەنت ساتىپ الىپ، كوپ قاراجات جۇمساۋ مىندەتتى ەمەس دەپ وتىر.
"ليفتتەن باس تارتىڭىز! ءبىر جەرگە بارۋ كەرەك بولسا، جاياۋ ءجۇرىڭىز! كۇنىنە كەم دەگەندە 5 شاقىرىم جاياۋ جۇرگەن ابزال. وتىرعاننان گورى كوبىرەك تۇرۋعا تىرىسۋ كەرەك", — دەپ كەڭەس بەردى مامان.
ول جۇگىرۋ، ءجۇزۋ جانە تەز جۇرۋگە نازار اۋدارۋدى ۇسىندى.
