شىمكەنت ەلىمىزدەگى 50 پايىز ۆاكتسيناتسيالانعان العاشقى قالا

3029

شىمكەنت قالاسىندا پاندەمياعا بايلانىستى قۇرىلعان جەدەل شتابتىڭ كەزەكتى وتىرىسى ءوتتى. جيىندا كوۆيدكە قارسى ءىس-قيمىلدىڭ ناتيجەلەرى مەن ۆاكتسينالاۋ ماسەلەلەرى تالقىلاندى.

شىمكەنت قالاسى ەپيدەميولوگيالىق جاعداي بويىنشا «قىزىل ايماققا» ءوتتى. ءۇش كۇن بويىنا قالادا كوۆيد ينفەكتسياسىن جۇقتىرعان ازاماتتاردىڭ سانى 100-دەن جوعارى بولىپ وتىر. وسىنى نەگىزگە العان قالا اكىمى مۇرات ايتەنوۆ كارانتيندىك شەكتەۋلەردىڭ ورىندالۋىن قاتاڭ باقىلاۋدى تاپسىردى. سونىمەن قاتار، ەكپە سالدىرۋ ماسەلەسىندە تۇرعىندار اراسىندا كەڭىنەن ءتۇسىندىرۋ جۇمىستارىن جۇرگىزۋدى سالا ماماندارىنا مىندەتتەدى.

قازىرگى تاڭدا قالادا 45 بەكەتتە ۆاكتسينالاۋ جۇمىستارى جۇرگىزىلىپ جاتقانىن ايتقان دەنساۋلىق ساقتاۋ باسقارما باسشىسىنىڭ ورىنباسارى ا. بەكباۋوۆا كوروناۆيرۋسقا قارسى ۆاكتسينا سالعانداردىڭ سانى 50 پايىزدان اسقانىن ءمالىم ەتتى.

«قالادا 536000 ادام ينفەكتسياعا قارسى ەكپە سالدىرۋ قاجەت بولسا،
بۇگىنگى تاڭدا ءبىرىنشى كومپونەنتپەن 267 595 ادام ەگىلدى. بۇل ۆاكتسيناتسيا جوسپارىنىڭ 50% قۇرايدى. وسى كورسەتكىش بويىنشا شىمكەنت قالاسى قازاقستاننىڭ باسقا وڭىرلەرىنىڭ كوشباسشىسى بولىپ تابىلادى»،-دەدى ا.بەكباۋوۆا.

ۆاكتسينا سالۋ بويىنشا شىمكەنت «جاسىل ايماقتا». 1 شىلدەگە 3500 ادامعا ەكپە ەگۋ جوسپارلانىپ، ناتيجەسىندە 4373 ادامعا ۆاكتسينا سالىنعان.

بۇگىندە قالا اكىمدىگى جانىنان اشىلعان call-center تاۋلىك بويى جۇمىس ىستەۋدە. قالاداعى بيزنەس سۋبەكتىلەرى ءۇشىن «Ashyq» جوباسى ىسكە ەنگىزىلدى. ASHYQ جوباسىنا قوسىلعان بيزنەس سۋبەكتىلەرى سانى – 676. بەرىلگەن وتىنىشتەر – 1182. بۇگىنگە دەيىن 139 «سارى»، 56 «قىزىل» ستاتۋس انىقتالعان.

سونداي-اق، جيىندا مەملەكەتتىك باس سانيتارلىق دارىگەردىڭ قاۋلىسىنا سايكەس، ءتيىستى سالالاردا جۇمىسقا رۇقسات بەرۋدى شەكتەۋ بويىنشا جاۋاپتى مەملەكەتتىك ورگاندار تاراپىنان باقىلاۋدى كۇشەيتۋ، حالىقتى ۆاكتسيناتسيالاۋمەن نەعۇرلىم كەڭىنەن قامتۋ ءۇشىن موتيۆاتسيالىق فاكتوردى كۇشەيتۋ بويىنشا بىرقاتار ۇسىنىستار ايتىلدى.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر
رەداكتسيا تاڭداۋى