جاڭاوزەندە مۇنايشىلار ەرەۋىلگە شىقتى

1967
Adyrna.kz Telegram

جاڭاوزەندە مۇنايشىلار تاعى دا ەرەۋىلگە شىقتى. "كەزبي" سەرىكتەستىگىنىڭ 500-گە جۋىق جۇمىسشىسى جالاقىنى كوبەيتىپ، الەۋمەتتىك جاعدايدى رەتتەسىن دەگەن تالاپ قويعان، دەپ حابارلايدى كتك ارناسى.

“قاسىم-جومارت كەمەلۇلى توقاەۆ، اسقار مامين، ۇكىمەت باسىنداعىلار، ءبىزدىڭ قازاقستان رەسپۋبليكاسىنىڭ ازاماتى رەتىندە، ءوزىمىزدىڭ زاڭدى قۇقىعىمىزدى قورعاۋدى سۇرايمىز”، – دەيدى مۇنايشىلار.

"وزەنمۇنايگاز" كومپانياسىنا سەرۆيس قىزمەت كورسەتەتىن "كەزبي" سەرىكتەستىگىنىڭ جۇمىسشىلارى تاڭنان بەرى نارازىلىق بىلدىرۋدە. تەحنيكالارىن قاڭتارىپ قويىپ، جۇمىستى مۇلدە توقتاتىپ تاستاعان. سەبەبى، جۇمىس بەرۋشى ەڭبەك كودەكسىن بۇزىپ، زاڭدى بەلشەدەن باسىپ وتىر دەيدى جينالعاندار.

مۇناي ۇڭعىمالارىنا كۇردەلى جوندەۋ جۇرگىزەتىن جۇمىسشىلار تاۋلىگىنە 11 ساعات جۇمىسقا جەگىلەدى ەكەن. الاتىن ايلىعىمىز 200 مىڭ تەڭگەدەن اسپايدى دەيدى. "وزەنمۇنايگازدا" ىستەيتىندەردىڭ جالاقىسى بىزدەن ءۇش ەسە كوپ دەپ نالىپ وتىر. ءتىپتى تەحنيكالار توزىپ، ۆاحتالىق ادىسپەن جۇمىس ىستەيتىندەرگە ەش جاعداي جاسالماعان كورىنەدى. ال جەرگىلىكتى اكىمدىك جۇمىسشىلاردىڭ تالابىن جاقىن ارادا شەشەۋگە تىرىسامىز دەيدى.

“ارىز-تالاپتاردى قازىر، تەز ارادا شەشۋ ءۇشىن جۇمىس بەرۋشى اراسىندا اربيتراجدى كوميسسيا قۇرىلىپ جاتىر. سول اربيتراجدى كوميسسيادا بارلىق ارىز-تالاپتار زاڭدا بەلگىلەنگەن مەرزىمدە قارالادى”، – دەيدى جاڭاوزەن قالاسى اكىمىنىڭ ورىنباسارى عالىم بايجانوۆ.

پىكىرلەر