قايعىلى وقيعا 30 ماۋسىم كۇنى ناۋرىزباي اۋدانىنا قاراستى اباي اۋىلىندا بولعان. دارەتحانا تەسىگىنە ءتۇسىپ كەتكەن 1 جاسار قىزدى قۇتقارامىن دەپ شۇڭقىرعا الدىمەن 12 جاسار اعاسى، ارتىنان اكەسى، سوسىن اجەسى تۇسكەن. قۇتقارۋشىلار تەك وتاعاسىن امان الىپ قالا الدى دەپ حابارلايدى وبلىستىق تجد-نىڭ رەسپۋبليكالىق جەدەل قۇتقارۋ جاساعى.
وقيعا بولعان جەرگە اتالعان جاساقتىڭ التى ادامى دەرەۋ جەتكەن. ولار دارەتحانا شۇڭقىرىنان 4 ادامنىڭ ءبارىن الىپ شىققانىمەن، تەك بىرەۋى عانا ءتىرى دارىگەرلەردىڭ قولىنا بەرىلگەن.
انىقتالعانداي، شۇڭقىرعا الدىمەن 2020 جىلى تۋعان قىز بالا قۇلاپ كەتكەن. ونى وزدىگىمەن قۇتقارماق بولعان 2009 جىلعى اعاسى تەسىككە ءتۇسىپ، شىعا الماي قالعان. بالالارىنا كومەكتەسپەك بولعان اكەسى مەن اجەسى (1955 جىلى تۋعان) دە سول شۇڭقىردىڭ گازىنا ۋلاندى.
قازىر بالالاردىڭ اكەسى اۋىر حالدە اۋرۋحانادا جاتىر. قالعان ءۇش ادام جەدەل جاردەم كەلگەنشە جان تاپسىرعان.
