ەلىمىزدە كىرىستەر، بيۋدجەت كرەديتتەرىن وتەۋ سومالارى، مەملەكەتتىڭ قارجى اكتيۆتەرىن ساتۋدان تۇسكەن تۇسىمدەر، قارىزدار ءتۇسىمى جالپى بيۋدجەتتىڭ تۇسىمدەرى بولىپ تابىلادى.
شىمكەنت قالاسى بيۋدجەتىنىڭ وزىندىك كىرىسىنىڭ باسىم بولىگىن سالىقتىق تۇسىمدەر قۇرايدى. كىرىستەر سوڭعى ەسەپتى بەس جىلدا، اتاپ ايتقاندا، 2016-2020 جىلدار ارالىعىندا 53,7 ملرد. تەڭگەدەن 145,3 ملرد. تەڭگەگە، ياعني 2,7 ەسەگە ۇلعايعان. مۇنى شىمكەنت كالاسىنىڭ ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى ر.مۇلكەمانوۆ «ينستاگرام» جەلىسىندەگى تىكەلەي ەفير بارىسىندا باياندادى.
سالا باسشىسىنىڭ ايتۋىنشا، ديناميكالىق ۇلعايۋدىڭ قارقىنى قالانىڭ رەسپۋبليكالىق ماڭىزى بار ستاتۋسىن العاننان كەيىنگى جىلداردا بايقالىپ وتىر. وسى جىلدىڭ وزىندە كىرىس كولەمى 124,1 ملرد. تەڭگە بولىپ بەكىتىلدى. ونىڭ ىشىندە: سالىقتىق تۇسىمدەر 122,5 ملرد. تەڭگە، سالىقتىق ەمەس تۇسىمدەر 0,6 ملرد. تەڭگە، نەگىزگى كاپيتالدى ساتۋدان تۇسەتىن ءتۇسىم 1 ملرد. تەڭگە.
باسقارما تاراپىنان قالا بيۋدجەتىنىڭ كىرىس كوزدەرىنە ەگجەي-تەگجەي تالداۋ جۇمىستارىن جۇرگىزۋ ناتيجەسىندە 28,3 ملرد. تەڭگە قوسىمشا كىرىس كوزدەرى انىقتالىپ، 2021 جىلدىڭ ناۋرىز ايىنداعى قالالىق بيۋدجەتتى ناقتىلاۋ بارىسىندا وزىندىك كىرىس كولەمى 152,4 ملرد. تەڭگەنى قۇراپ، 22,8% ۇلعايدى.
شىمكەنت قالاسى اكىمدىگىنىڭ ءباسپاسوز قىزمەتى
