اۋعان ۇلتتىق ارمياسىنىڭ 17 اسكەري قىزمەتشىسى "تاليبان" قوزعالىسىنىڭ سودىرلارىنىڭ شابۋىلىنا توتەپ بەرە الماي، جەكسەنبىدە تاجىكستانمەن شەكارانى كەسىپ ءوتتى. بۇل تۋرالى ەلدىڭ ۇلتتىق مەملەكەتتىك قاۋىپسىزدىك كوميتەتىنىڭ شەكارا قىزمەتى حابارلادى.
ارنايى قىزمەتتىڭ مالىمەتىنشە، جەكسەنبى كۇنى راديكالدى ۇيىم اۋعانستاننىڭ بالح پروۆينتسياسىنداعى كالدور وكرۋگىنىڭ چۋكچۋك قالاسىندا ورنالاسقان شەكارا بەكەتىنە شابۋىل جاساعان.
"اۋعانستان يسلام رەسپۋبليكاسى ۇكىمەتتىك اسكەرلەرىنىڭ 17 اسكەري قىزمەتشىسى «شاحريتۋس» شەكارا جاساعىنىڭ 1-ءشى بەكەتى ارقىلى تاجىكستان رەسپۋبليكاسىنىڭ اۋماعىنا شەگىنۋگە ءماجبۇر بولدى. تاجىك شەكاراشىلارى گۋمانيزم مەن تاتۋ كورشىلىك پرينتسيپتەرىن باسشىلىققا الا وتىرىپ، مەملەكەتتىك شەكارادان وتكەن اۋعان اسكەري كۇشتەرىنە ءوز اۋماعىنا كەدەرگىسىز كىرۋگە رۇقسات بەردى", - دەلىنگەن حابارلامادا.
تاجىكستان بيلىگى سوڭعى ەكى اپتانىڭ ىشىندە اۋعانستانداعى جاعدايدىڭ ناشارلاۋىنا الاڭداۋشىلىق ءبىلدىرىپ، وزبەكستان مەن قازاقستان بيلىكتەرىمەن كونسۋلتاتسيالار وتكىزدى.
«ادىرنا» ۇلتتىق پورتالى
