Aýǵan ulttyq armııasynyń 17 áskerı qyzmetshisi "Talıban" qozǵalysynyń sodyrlarynyń shabýylyna tótep bere almaı, jeksenbide Tájikstanmen shekarany kesip ótti. Bul týraly eldiń Ulttyq memlekettik qaýipsizdik komıtetiniń shekara qyzmeti habarlady.
Arnaıy qyzmettiń málimetinshe, jeksenbi kúni radıkaldy uıym Aýǵanstannyń Balh provınııasyndaǵy Kaldor okrýginiń Chýkchýk qalasynda ornalasqan shekara beketine shabýyl jasaǵan.
"Aýǵanstan Islam Respýblıkasy úkimettik áskerleriniń 17 áskerı qyzmetshisi «Shahrıtýs» shekara jasaǵynyń 1-shi beketi arqyly Tájikstan Respýblıkasynyń aýmaǵyna sheginýge májbúr boldy. Tájik shekarashylary gýmanızm men tatý kórshilik prınıpterin basshylyqqa ala otyryp, memlekettik shekaradan ótken aýǵan áskerı kúshterine óz aýmaǵyna kedergisiz kirýge ruqsat berdi", - delingen habarlamada.
Tájikstan bıligi sońǵy eki aptanyń ishinde Aýǵanstandaǵy jaǵdaıdyń nasharlaýyna alańdaýshylyq bildirip, Ózbekstan men Qazaqstan bılikterimen konsýltaııalar ótkizdi.
«Adyrna» ulttyq portaly
