24 ماۋسىمدا يندونەزيا پرەزيدەنتىنىڭ ءباسپاسوز حاتشىسى فادجرۋل راحمان Instagram جەلىسىندەگى رەسمي پاراقشاسىندا ديماشتىڭ ورىنداۋىنداعى «late Autumn» («كەش كەلگەن كۇز») ءانىن جاريالادى، دەپ حابارلايدى “ادىرنا” ۇلتتىق پورتالى شەتەلدىك باق-قا سىلتەمە جاساپ.
يندونەزيالىق مەملەكەت قايراتكەرىن قازاقستاندىق ءانشىنىڭ وسىنداي كەرەمەت كومپوزيتسيانى ورىنداۋى تاڭ قالدىردى.
«ديماشقا اتى اڭىزعا اينالعان «late Autumn» ءانى ءۇشىن ۇلكەن راحمەت! بۇل كەرەمەت ورىنداۋ. بۇل تۋعان جەردى ەسكە سالاتىن ءان. راحمەت!»، - دەپ جازدى ول.
فادجرۋل راحمان – 2019 جىلدان باستاپ يندونەزيا پرەزيدەنتىنىڭ ءباسپاسوز حاتشىسى. بۇل قىزمەتكە كىرىسپەس بۇرىن ول قوعام بەلسەندىسى، ساياساتكەر جانە جازۋشى رەتىندە تانىمال بولعان.
