مەملەكەت باسشىسى قاسىم-جومارت توقاەۆ جۇمىسى ۇزاققا سوزىلىپ كەتكەن ءتورت جولدى بيىلدان قالدىرماي پايدالانۋعا بەرۋدى تاپسىردى، دەپ حابارلايدى “ادىرنا” ۇلتتىق پورتالى.
ايتۋىنشا، بۇگىندە "استانا-بالقاش-الماتى" تاس جولى ءالى كۇنگە دەيىن جوندەلىپ بىتكەن جوق. ونىڭ قۇرىلىسى 2017 جىلدان بەرى ءجۇرىپ جاتىر.
"رەسپۋبليكالىق ماڭىزى بار "اتىراۋ-استراحان", "اقتوبە-قاندىاعاش", "تالدىقورعان-وسكەمەن" جولدارىنىڭ جوندەلىپ جاتقانىنا 5 جىلدان استى. بيىل وسى جۇمىستار ءبىرجولا اياقتالۋعا ءتيىس", - دەدى توقاەۆ ۇكىمەتتىڭ كەڭەيتىلگەن وتىرىسىندا.
پرەزيدەنت وسى سالادا قالىپتاسقان تاجىريبەگە دە توقتالدى. رەسپۋبليكالىق ماڭىزى بار جولداردىڭ تەندەرىن كوپ جاعدايدا تەك شەتەل كومپانيالارى ۇتىپ الادى.
"مۇنداي جوبالارعا قولىنان ءىس كەلەتىن، ءتيىستى تەحنيكامەن جابدىقتالعان ءوز كاسىپورىندارىمىزدى تارتۋ كەرەك. سونىمەن قاتار جول قۇرىلىسىنا قاجەتتى تەحنيكانى ەلىمىزدە شىعارۋ جولدارىن دامىتىپ، ءوزىمىزدىڭ دايىن ءونىمدى پايدالانۋ كەرەك", - دەپ اتاپ ءوتتى توقاەۆ.
سونىمەن قاتار، ول رەسپۋبليكالىق نەمەسە ايماقتىق جول بولسىن، ەلىمىزدەگى جولدىڭ ءبارى ساپالى بولۋى كەرەگىن ايتتى.
