اتىراۋ وبلىسىنا جۇمىس ساپارمەن قر پارلامەنتى ءماجىلىسىنىڭ دەپۋتاتى داريعا نازارباەۆا كەلدى. ساپار بارىسىندا ول، ءوڭىردىڭ بىرقاتار ماڭىزدى الەۋمەتتىك نىساندارىنىڭ جۇمىسىمەن تانىستى.
2020 جىلدىڭ 1 جەلتوقسان كۇنى قر تۇڭعىش پرەزيدەنتى-ەلباسىنىڭ «قامقورلىق» قورىنىڭ باستاماسىمەن اتىراۋ وبلىستىق بالالار اۋرۋحاناسى بازاسىندا بالالاردى وڭالتۋ ورتالىعى رەسمي تۇردە اشىلدى. ءوز جۇمىسىن 2021 جىلدىڭ 1 قاڭتارىنان باستاپ اتقارۋدا. ورتالىقتا بالالاردى وڭالتۋعا ارنالعان 50 توسەك ورىن بولىنگەن. ونىڭ 25-ءى تاۋلىكتىك جانە 25 توسەك كۇندىزگى ستاتسيونارعا قاراستىرىلعان.
مۇندا نەۆرولوگ دارىگەرى، 2 رەابيليتولوگ، ۇيلەستىرۋشى، فيزيوتەراپەۆت، ەرگوتەراپەۆت، 6 ەمدىك دەنە شىنىقتىرۋ (لفك) نۇسقاۋشىلارى، 2 پسيحولوگ، 2 لوگوپەد، 2 دەفەكتولوگ، 4 مەدبيكە جۇمىس ىستەيدى.
2021 جىلدىڭ باسىنان بەرى ورتالىقتا 315 بالا وڭالتۋدان وتكەن. ونىڭ ىشىندە، 160 بالا تاۋىلىكتىك، 155 بالا كۇندىزگى ستاتسيوناردا،- دەدى اتىراۋ وبلىستىق دەنساۋلىق ساقتاۋ باسقارماسىنىڭ باسشىسى اسحان بايدۋۆاليەۆ.
جۇمىس ساپارى بارىسىندا داريعا نازارباەۆا وبلىستىق كارديوورتالىقتىڭ دا جۇمىسىمەن تانىستى.
