Atyraý oblysyna jumys saparmen QR Parlamenti Májilisiniń depýtaty Darıǵa Nazarbaeva keldi. Sapar barysynda ol, óńirdiń birqatar mańyzdy áleýmettik nysandarynyń jumysymen tanysty.
2020 jyldyń 1 jeltoqsan kúni QR Tuńǵysh Prezıdenti-Elbasynyń «Qamqorlyq» qorynyń bastamasymen Atyraý oblystyq balalar aýrýhanasy bazasynda balalardy ońaltý ortalyǵy resmı túrde ashyldy. Óz jumysyn 2021 jyldyń 1 qańtarynan bastap atqarýda. Ortalyqta balalardy ońaltýǵa arnalǵan 50 tósek oryn bólingen. Onyń 25-i táýliktik jáne 25 tósek kúndizgi staıonarǵa qarastyrylǵan.
Munda nevrolog dárigeri, 2 reabılıtolog, úılestirýshi, fızıoterapevt, ergoterapevt, 6 Emdik dene shynyqtyrý (LFK) nusqaýshylary, 2 psıholog, 2 logoped, 2 defektolog, 4 medbıke jumys isteıdi.
2021 jyldyń basynan beri ortalyqta 315 bala ońaltýdan ótken. Onyń ishinde, 160 bala táýiliktik, 155 bala kúndizgi staıonarda,- dedi Atyraý oblystyq Densaýlyq saqtaý basqarmasynyń basshysy Ashan Baıdývalıev.
Jumys sapary barysynda Darıǵa Nazarbaeva oblystyq kardıoortalyqtyń da jumysymen tanysty.
