اتىراۋ وبلىسىندا پەرسونالدى باسقارۋ كورسەتكىشى 6 پوزيتسياعا جوعارىلادى

1216
Adyrna.kz Telegram

بۇل تۋرالى وبلىس باسشىسى ماحامبەت دوسمۇحامبەتوۆتىڭ جەتەكشىلىگىمەن وتكەن جيىندا مەملەكەتتىك قىزمەت ىستەرى اگەنتتىگىنىڭ اتىراۋ وبلىسى بويىنشا دەپارتامەنتىنىڭ باسشىسى سالاۋات مۇكسىموۆ مالىمدەدى.

سەلەكتورلىق وتىرىستا وبلىستىڭ جەرگىلىكتى اتقارۋشى ورگاندارىنىڭ 2020 جىلعى قىزمەت تيىمدىلىگىن باعالاۋ ناتيجەلەرى جان-جاقتى تالقىلانىپ، قورىتىندىلاندى.

“پەرسونالدى باسقارۋ” باعىتى بويىنشا مەملەكەتتىك ورگاندار قىزمەتىنىڭ تيىمدىلىگىن باعالاۋ – مەملەكەتتىك ورگاننىڭ قىزمەت جۇيەسىندە ادامي كاپيتالدى دامىتۋ بويىنشا باعالانادى،-دەيدى سالاۋات مۇكسىموۆ.

مەملەكەتتىك قىزمەت ىستەرى اگەنتتىگىنىڭ اتىراۋ وبلىسى بويىنشا دەپارتامەنتىنىڭ باسشىسى سالاۋات مۇكسىموۆ ءوڭىر كورسەتكىشىنە توقتالدى.

وتكەن جىلدىڭ قورىتىندىسى بويىنشا اتىراۋ وبلىسى 85,95 بالدى يەلەنىپ، رەسپۋبليكالىق رەيتينگتە 5 ورىندا. بۇل كورسەتكىش وتكەن جىلمەن سالىستىرعاندا 7,87 باللعا نەمەسە 6 پوزيتسياعا جوعارىلادى. باعالاۋعا وبلىستىق اكىم اپپاراتى مەن باسقارمالاردى قوسا العاندا 27 مەملەكەتتىك ورگان جانە وندا قىزمەت ەتەتىن 438 مەملەكەتتىك قىزمەتشى ەندى،-دەدى دەپارتامەنت باسشىسى.

سونداي-اق، اتالعان باعالاۋ 15 كورسەتكىشتى قامتيتىن ءۇش كريتەري بويىنشا جۇزەگە اسىرىلاتىنى جەتكىزىلدى. ولار: تازا اۋىسىمدىلىق كورسەتكىشى، مەملەكەتتىك قىزمەتشىلەردىڭ ساپالىق قۇرامى مەن مانساپتىق ءوسۋ.

دەپارتامەنت باسشىسىنىڭ ايتۋىنشا، سوڭعى ۋاقىتتا كادرلىق ساپالىق قۇرام جاقسارىپ كەلەدى. ايتالىق، وبلىستىق اكىمدىكتە “بولاشاق” باعدارلاماسىنىڭ 4 تۇلەگى، شەتەلدىك ءبىلىمى بار 13 قىزمەتشى، قر پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ 1 تۇلەگى ەڭبەك ەتەدى.

ءوز كەزەگىندە، 2020 جىلى وبلىستىڭ جەرگىلىكتى اتقارۋشى ورگاندارىنا جاڭا جالاقى جۇيەسىنىڭ ەنگىزىلۋى ناتيجەسىنەن مەملەكەتتىك قىزمەتتىڭ تارتىمدىلىعى ارتقانى دا ايتىلدى. ال، مەملەكەتتىك قىزمەت جۇيەسى ىشىندە مانساپ ساتىسىمەن كوتەرىلگەن تۇلعالار سانى 27 ادامدى قۇرادى. بۇل وتكەن جىلدىڭ كورسەتكىشىنەن 15,1 پايىزعا ارتىق.

سونىمەن قاتار، جيىندا ساۋالناما ارقىلى باعالاناتىن كورسەتكىشتەردە تۇراقتى ءوسۋ ديناميكاسى بايقالاتىنى ايتىلدى. ديناميكانى ساقتاپ قالۋ ءۇشىن مەملەكەتتىك قىزمەتشىلەردى قولايلى ەڭبەك جاعدايلارىمەن قامتاماسىز ەتۋ، “مەريتوكراتيا جانە ۇيىمداستىرۋشىلىق مادەنيەت” كريتەريلەرىنىڭ كورسەتكىشتەرى بويىنشا انونيمدىك ساۋالنامالاردى ۇنەمى ۇيىمداستىرۋ ۇسىنىلدى.

جيىن سوڭىندا ايماق باسشىسى ماحامبەت دوسمۇحامبەتوۆ قىزمەتتىڭ تيىمدىلىگى مەن ناتيجەلىگىن ارتتىرۋ بويىنشا جاۋاپكەرشىلىكتى كۇشەيتۋ، قىزمەت ساپاسىن جاقسارتۋ، قىزمەتكەرلەردىڭ بىلىكتىلىگىن كوتەرۋ بويىنشا ناقتى تاپسىرمالار بەردى.

پىكىرلەر