Bul týraly oblys basshysy Mahambet Dosmuhambetovtiń jetekshiligimen ótken jıynda Memlekettik qyzmet isteri agenttiginiń Atyraý oblysy boıynsha Departamentiniń basshysy Salaýat Múksimov málimdedi.
Selektorlyq otyrysta oblystyń jergilikti atqarýshy organdarynyń 2020 jylǵy qyzmet tıimdiligin baǵalaý nátıjeleri jan-jaqty talqylanyp, qorytyndylandy.
“Personaldy basqarý” baǵyty boıynsha memlekettik organdar qyzmetiniń tıimdiligin baǵalaý – memlekettik organnyń qyzmet júıesinde adamı kapıtaldy damytý boıynsha baǵalanady,-deıdi Salaýat Múksimov.
Memlekettik qyzmet isteri agenttiginiń Atyraý oblysy boıynsha Departamentiniń basshysy Salaýat Múksimov óńir kórsetkishine toqtaldy.
Ótken jyldyń qorytyndysy boıynsha Atyraý oblysy 85,95 baldy ıelenip, respýblıkalyq reıtıngte 5 orynda. Bul kórsetkish ótken jylmen salystyrǵanda 7,87 ballǵa nemese 6 pozıııaǵa joǵarylady. Baǵalaýǵa oblystyq ákim apparaty men basqarmalardy qosa alǵanda 27 memlekettik organ jáne onda qyzmet etetin 438 memlekettik qyzmetshi endi,-dedi departament basshysy.
Sondaı-aq, atalǵan baǵalaý 15 kórsetkishti qamtıtyn úsh krıterıı boıynsha júzege asyrylatyny jetkizildi. Olar: taza aýysymdylyq kórsetkishi, memlekettik qyzmetshilerdiń sapalyq quramy men mansaptyq ósý.
Departament basshysynyń aıtýynsha, sońǵy ýaqytta kadrlyq sapalyq quram jaqsaryp keledi. Aıtalyq, oblystyq ákimdikte “Bolashaq” baǵdarlamasynyń 4 túlegi, sheteldik bilimi bar 13 qyzmetshi, QR Prezıdentiniń janyndaǵy Memlekettik basqarý Akademııasynyń 1 túlegi eńbek etedi.
Óz kezeginde, 2020 jyly oblystyń jergilikti atqarýshy organdaryna jańa jalaqy júıesiniń engizilýi nátıjesinen memlekettik qyzmettiń tartymdylyǵy artqany da aıtyldy. Al, memlekettik qyzmet júıesi ishinde mansap satysymen kóterilgen tulǵalar sany 27 adamdy qurady. Bul ótken jyldyń kórsetkishinen 15,1 paıyzǵa artyq.
Sonymen qatar, jıynda saýalnama arqyly baǵalanatyn kórsetkishterde turaqty ósý dınamıkasy baıqalatyny aıtyldy. Dınamıkany saqtap qalý úshin memlekettik qyzmetshilerdi qolaıly eńbek jaǵdaılarymen qamtamasyz etý, “Merıtokratııa jáne uıymdastyrýshylyq mádenıet” krıterııleriniń kórsetkishteri boıynsha anonımdik saýalnamalardy únemi uıymdastyrý usynyldy.
Jıyn sońynda aımaq basshysy Mahambet Dosmuhambetov qyzmettiń tıimdiligi men nátıjeligin arttyrý boıynsha jaýapkershilikti kúsheıtý, qyzmet sapasyn jaqsartý, qyzmetkerlerdiń biliktiligin kóterý boıynsha naqty tapsyrmalar berdi.
