مۇنايلى ولكەدە «شىعىس پەن باتىس توعىسقان سارايشىق: ۇلى دالاداعى تاريح جانە مادەنيەت» اتتى حالىقارالىق عىلىمي سيمپوزيۋم وتۋدە. ايتۋلى شارادا سارايشىق قالاشىعىن دامىتۋ جايى كەڭىنەن قوزعالدى.
قر مادەنيەت جانە اقپارات ۆيتسە-ءمينيسترى ايبەك سىدىقوۆتىڭ ايتۋىنشا، عىلىمي-زەرتتەۋ جانە ناسيحاتتاۋ ماقساتىندا «سارايشىق» مەملەكەتتىك تاريحي-مادەني مۋزەي-قورىعى رەسپۋبليكالىق مەملەكەتتىك قازىنالىق كاسىپورنى قۇرىلعان بولاتىن. قالاشىقتىڭ شايىلۋ قاۋپىنە قارسى جايىق وزەنىنىڭ جاعالاۋىندا ينجەنەرلىك بەكىتۋ شارالارى جۇرگىزىلگەن.
-ورتاعاسىرلىق سارايشىق قالاشىعىن دامىتۋ جوباسىنىڭ تۇجىرىمداماسى جانە ونى جۇزەگە اسىرۋعا باعىتتالعان 2023-2027 جىلدارعا ارنالعان جوسپار قالىپتاستى. ورتاعاسىرلىق سارايشىق قالاشىعىنىڭ وبەكتىلەرىندە عىلىمي-رەستاۆراتسيالاۋ جۇمىستارى مەن كونە قالاشىقتىڭ ينفراقۇرىلىمىن دامىتۋ جۇمىستارى جالعاسۋدا. سونداي-اق «سارايشىق» ساپار ورتالىعى سالىنىپ، جاڭا ەكسپوزيتسيالىق زالدار جاساقتالدى. وعان قوسا رەسپۋبليكالىق ماڭىزى بار ەسكەرتكىشتە جىل سايىن ارحەولوگيالىق قازبا جۇمىستارىن جۇرگىزۋگە قول جەتكىزىلدى. قازبالار جاڭا ادىستەمەلەرمەن، زاماناۋي تەحنولوگيالارمەن جالعاسۋدا.
جايىق وزەنىنىڭ جاعاسىندا ورنالاسقان كونە سارايشىق قالاسى – شىعىس پەن باتىستى، ءتۇرلى وركەنيەت مەن مادەنيەتتى توعىستىرعان اسا ماڭىزدى تاريحي ورتالىقتاردىڭ ءبىرى. بۇل قاسيەتتى مەكەن عاسىرلار بويى ۇلى دالا تاريحىنىڭ كۋاسى بولىپ، ەۋرازيا كەڭىستىگىندەگى ساياسي-ەكونوميكالىق جانە رۋحاني ءومىردىڭ وزەگىنە اينالدى.
جوشى ۇلىسىنىڭ، نوعاي ورداسىنىڭ جانە قازاق حاندىعىنىڭ استاناسى بولعان سارايشىقتى قايتا جاڭعىرتۋ جۇمىستارىن تابىستى جۇزەگە اسىرۋ ءۇشىن حالىقارالىق ىنتىماقتاستىق قاجەت. بۇل رەتتە جۇرگىزىلگەن جۇمىستار سارايشىقتىڭ جاھاندىق دەڭگەيدە زەرتتەلىپ، كەڭىنەن تانىلۋىنا مۇمكىندىك بەرەدى،-دەيدى ول.
جوشى ۇلىسىنىڭ، نوعاي ورداسىنىڭ جانە قازاق حاندىعىنىڭ استاناسى بولعان سارايشىقتى قايتا جاڭعىرتۋ جۇمىستارىن تابىستى جۇزەگە اسىرۋ ءۇشىن حالىقارالىق ىنتىماقتاستىق قاجەت. بۇل رەتتە جۇرگىزىلگەن جۇمىستار سارايشىقتىڭ جاھاندىق دەڭگەيدە زەرتتەلىپ، كەڭىنەن تانىلۋىنا مۇمكىندىك بەرەدى،-دەيدى ول.
شىعىس پەن باتىستى توعىستىرعان ورتاعاسىرلىق سارايشىق قالاشىعىنىڭ تاريحي، ساياسي جانە مادەني ماڭىزىن جان-جاقتى زەرتتەۋ، ونى جاڭعىرتۋ جانە عىلىمي اينالىمعا ەنگىزۋ باعىتىندا جاڭا تۇجىرىمدار ۇسىنۋدى ماقسات ەتكەن اۋقىمدى شاراعا تۇركيا، رەسەي ەلدەرىنىڭ عالىمدارى مەن تاريحشىلارى، ارحەولوگتار قاتىسىپ، ويلارىن ورتاعا سالدى.
ايبوپە سابىروۆا
