ەل تاۋەلسىزدىگىنىڭ 30 جىلدىعى قارساڭىندا اۋدان اكىمى اپپاراتىنىڭ ازاماتتىق حال اكتىلەردى تىركەۋ بولىمىندە «بالا تۋدى تىركەۋ» مەملەكەتتىك قىزمەتى بويىنشا اعىمداعى جىلدىڭ باسىنان 3000 جانە 3001-ءشى بولىپ مەملەكەتتىك قىزمەت الۋشىلاردى ماراپاتتاۋ ءراسىمى ءوتتى.
اتالعان شارا 23 ماۋسىم مەملەكەتتىك قىزمەتشىلەر كۇنى مەرەكەسى قارساڭىندا قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ الماتى وبلىسى بويىنشا دەپارتامەنتى مەن وبلىس اكىمدىگىنىڭ ارنايى ءىس-شارالار جوسپارى اياسىندا ۇيىمداستىرىلدى.
اۋدانىمىزدا 3000 جانە 3001-ءشى بولىپ دۇنيەگە كەلگەن سابيلەردىڭ وتباسىلارىن اۋدان اكىمى اپپاراتىنىڭ باسشىسى جاندوسوۆ ازامات سەرىكۇلى، اۋداندىق انالار كەڭەسىنىڭ ءتورايىمى قازاقستان رەسپۋبليكاسىنىڭ مادەنيەت قايراتكەرى، اۋداننىڭ قۇرمەتتى ازاماتى جابيەۆا مەيرامگۇل تۇيەبايقىزى ارنايى قۇتتىقتاپ، اۋدان اكىمى اتىنان العىس حات تابىستاپ، ارنايى سىي-سىياپات كورسەتتى.
ءۇش مىڭىنشى سابيدىڭ اكە-شەشەسى بايسەركە اۋىلىنىڭ تۇرعىنى كوپ بالالى وتباسى دالجانوۆ سەرىك پەن جۇبايى جولداسباەۆا ايگەرىم ارنايى ءۇش مىڭىنشى بولىپ تۋ تۋرالى كۋالىك العانىن كەزدەيسوقتىق ەكەنىن ايتىپ، اۋدان اكىمدىگىنە العىسىن ايتتى.
ال ءۇش مىڭ ءبىرىنشى بولىپ دۇنيەگە كەلگەن بولاشاق اتا-اناسى وتەگەن باتىر اۋىلىنىڭ تۇرعىنى بۇجبانوۆ سەرىك پەن جولداسى داۋەنوۆا قالبيكە جاس وتباسىلارعا ەلىمىزدىڭ دەموگرافيالىق جاعدايىن جاقسارتۋعا ۇلەس قوسۋعا شاقىرىپ، تاۋەلسىزدىگىمىزدىڭ 30 جىلدىعى قارساڭىندا ءسابيلى بولعان وتباسىلاردى قۇتتىقتاپ، العىسىن ايتتى.
