جوبانىڭ ماقساتى – جاستاردى ءوزىن-ءوزى تانۋعا باۋلۋ، كوممۋنيكاتيۆتىك داعدىلاردى، قارجىلىق ساۋاتتىلىقتى، الەۋمەتتىك قۇزىرەتتىلىكتى ۇيرەتۋ جانە بولاشاق كاسىبىن انىقتاۋعا كومەكتەسۋ.
2020 جىلدىڭ اقپان ايىنان مەكتەپ جاسوسپىرىمدەرىنە ارنالعان “جالىن” جوباسى باستالدى. اتالعان جوبا كارانتيندىك-سانيتارلىق تالاپتاردى ساقتاي وتىرىپ، بۇگىنگى تاڭدا قۇلسارى قالاسىندا 12 مەكتەپ پەن ماڭعىستاۋ وبلىسى بەينەۋ اۋدانى بورانقۇل اۋىلىنداعى 3 مەكتەپتىڭ جاسوسپىرىمدەرى اراسىندا جۇزەگە اسىپ جاتىر.
قاتىسۋشىلاردىڭ جوبادان العان بىلىمدەرىن شىڭداۋىنا، ءوز ويلارىن ەركىن جەتكىزۋىنە موتيۆاتسيا بەرۋ ماقساتىندا ينستاگرام الەۋمەتتىك جەلىسىندە #JalyndyJazba شىعارماشىلىق بايقاۋى ۇيىمداستىرىلىپ، ەڭ ۇزدىك دەپ تانىلعان قاتىسۋشىلارعا سىيلىقتار تابىستالدى.
قاتىسۋشىلاردىڭ جوباعا قاتىسۋداعى بەلسەندىلىگى، قىزىعۋشىلىعى، ءوز ويلارىنىڭ ەركىندىگىنە قاراي وتىرىپ، ولاردىڭ تۇلعا رەتىندە قالىپتاسۋىنا “جالىننىڭ” قانشالىقتى اسەر ەتىپ جاتقاندىعىن اڭعارۋعا بولادى. قاتارىنان قارا ءۇزىپ، باي دا قۋاتتى، باقىتتى ءومىر ءسۇرۋ، “دۇنيەنىڭ كەتىگىن تاۋىپ، كىرپىش بولىپ قالانۋ” اركىمنىڭ ءوز قولىندا!- دەپ اتاپ ءوتتى ءوز سوزىندە “جالىن” جوباسىنىڭ كوورديناتورى نۋرلىگۋل رامازانوۆا.
قازىرگى تاڭدا جوبا اياسىندا 24 توپتا 360 جوعارى سىنىپ وقۋشىلارى وقىتىلىپ جاتىر. جىل سوڭىنا دەيىن جوباعا 900-گە جۋىق وقۋشى قاتىسادى. جوبا ءۇش راۋندتان تۇرادى جانە ءار راۋندتى ءساتتى اياقتاعان قاتىسۋشىلارعا سەرتيفيكات تابىستالادى. جوبا سوڭىندا تالىمگەرمەن بىرگە قاتىسۋشىلار الەۋمەتتىك جوبا دايىنداپ، توپتاسىپ جۇزەگە اسىرادى.
ايتا كەتەيىك، جوبانى “تەڭىزشەۆرويل” جشس قارجىلاي قولداپ، “جۇرەكتەن جۇرەككە” قوعامدىق قورى ۇيىمداستىرىپ وتىر.
