Jobanyń maqsaty – jastardy ózin-ózi tanýǵa baýlý, kommýnıkatıvtik daǵdylardy, qarjylyq saýattylyqty, áleýmettik quzyrettilikti úıretý jáne bolashaq kásibin anyqtaýǵa kómektesý.
2020 jyldyń aqpan aıynan mektep jasóspirimderine arnalǵan “Jalyn” jobasy bastaldy. Atalǵan joba karantındik-sanıtarlyq talaptardy saqtaı otyryp, búgingi tańda Qulsary qalasynda 12 mektep pen Mańǵystaý oblysy Beıneý aýdany Boranqul aýylyndaǵy 3 mekteptiń jasóspirimderi arasynda júzege asyp jatyr.
Qatysýshylardyń jobadan alǵan bilimderin shyńdaýyna, óz oılaryn erkin jetkizýine motıvaııa berý maqsatynda ınstagram áleýmettik jelisinde #JalyndyJazba shyǵarmashylyq baıqaýy uıymdastyrylyp, eń úzdik dep tanylǵan qatysýshylarǵa syılyqtar tabystaldy.
Qatysýshylardyń jobaǵa qatysýdaǵy belsendiligi, qyzyǵýshylyǵy, óz oılarynyń erkindigine qaraı otyryp, olardyń tulǵa retinde qalyptasýyna “Jalynnyń” qanshalyqty áser etip jatqandyǵyn ańǵarýǵa bolady. Qatarynan qara úzip, baı da qýatty, baqytty ómir súrý, “dúnıeniń ketigin taýyp, kirpish bolyp qalaný” árkimniń óz qolynda!- dep atap ótti óz sózinde “Jalyn” jobasynyń koordınatory NÝRLYGÝL RAMAZANOVA.
Qazirgi tańda joba aıasynda 24 topta 360 joǵary synyp oqýshylary oqytylyp jatyr. Jyl sońyna deıin jobaǵa 900-ge jýyq oqýshy qatysady. Joba úsh raýndtan turady jáne ár raýndty sátti aıaqtaǵan qatysýshylarǵa sertıfıkat tabystalady. Joba sońynda tálimgermen birge qatysýshylar áleýmettik joba daıyndap, toptasyp júzege asyrady.
Aıta keteıik, jobany “Teńizshevroıl” JShS qarjylaı qoldap, “Júrekten júrekke” qoǵamdyq qory uıymdastyryp otyr.
