سولتۇستىك كورەيانىڭ 37 جاستاعى باسشىسى دەنساۋلىعى تۋرالى جاڭا قاۋەسەتتەرگە تاپ بولدى. بىراق بۇل جولى ونىڭ سالماعىنىڭ ايتارلىقتاي جوعالتقانى بايقالادى. بۇل تۋرالى Fox News جازدى، دەپ حابارلايدى «ادىرنا» ۇلتتىق پورتالى.
سارسەنبىدە جاريالانعان مەملەكەتتىك باق-تاعى سۋرەتتەردە كيم كوپ سالماق تاستاعانداي كورىندى. كوپشىلىكتىڭ ايتۋىنشا، كيمنىڭ بويى - 170 سانتيمەتر، ال بۇرىنعى سالماعى - 140 كەلى بولعان. ال قازىر ول 10-20 كەلىگە ارىقتاعان بولۋى مۇمكىن.
سەۋلدەگى كورەيا ۇلتتىق بىرىگۋ ينستيتۋتىنىڭ اناليتيگى حون ءميننىڭ ايتۋىنشا، كيم اۋرۋدىڭ سيمپتومىنان سالماق جوعالتپاعان، بۇل - ونىڭ دەنساۋلىعىن جاقسارتۋعا باعىتتاعان ارەكەتى ەكەن.
«ەگەر ونىڭ دەنساۋلىعىندا پروبلەمالار بولسا، ول جۇمىسشىلار پارتياسى ورتالىق كوميتەتىنىڭ پلەنارلىق وتىرىسىن اشىق تۇردە شاقىرماس ەدى»، - دەدى حون.
سەۋلدىڭ سولتۇستىك كورەيانى زەرتتەۋ ينستيتۋتىنىڭ قىزمەتكەرى سە يۋ-سوكتىڭ ايتۋىنشا، جاقىندا سولتۇستىكتە ەلدىڭ ەكىنشى بيلىك باسىنداعى ەڭبەك پارتياسىنىڭ ءبىرىنشى حاتشىسى لاۋازىمىن قۇرۋ كيمنىڭ دەنساۋلىعىنا اسەر ەتكەن بولۋى مۇمكىن.
"ادىرنا" ۇلتتىق پورتالى
