Soltústik Koreıanyń 37 jastaǵy basshysy densaýlyǵy týraly jańa qaýesetterge tap boldy. Biraq bul joly onyń salmaǵynyń aıtarlyqtaı joǵaltqany baıqalady. Bul týraly Fox News jazdy, dep habarlaıdy «Adyrna» ulttyq portaly.
Sársenbide jarııalanǵan memlekettik BAQ-taǵy sýretterde Kım kóp salmaq tastaǵandaı kórindi. Kópshiliktiń aıtýynsha, Kımniń boıy - 170 santımetr, al burynǵy salmaǵy - 140 keli bolǵan. Al qazir ol 10-20 kelige aryqtaǵan bolýy múmkin.
Seýldegi Koreıa ulttyq birigý ınstıtýtynyń analıtıgi Hon Mınniń aıtýynsha, Kım aýrýdyń sımptomynan salmaq joǵaltpaǵan, bul - onyń densaýlyǵyn jaqsartýǵa baǵyttaǵan áreketi eken.
«Eger onyń densaýlyǵynda problemalar bolsa, ol jumysshylar partııasy Ortalyq Komıtetiniń plenarlyq otyrysyn ashyq túrde shaqyrmas edi», - dedi Hon.
Seýldiń Soltústik Koreıany zertteý ınstıtýtynyń qyzmetkeri Se Iý-Soktyń aıtýynsha, jaqynda Soltústikte eldiń ekinshi bılik basyndaǵy Eńbek partııasynyń birinshi hatshysy laýazymyn qurý Kımniń densaýlyǵyna áser etken bolýy múmkin.
"Adyrna" ulttyq portaly
