«MAGNUM CASH&CARRY»، «گراماد» جانە «فيركان» ساۋدا جەلىلەرىنىڭ باعاسىنا مونيتورينگ جۇرگىزىلدى

3865
Adyrna.kz Telegram

حالىققا ءبىرىنشى كەزەكتە ازىق-تۇلىك تاۋارلارىنىڭ ساپاسى مەن باعاسىنىڭ قولجەتىمدىلىگى ماڭىزدى ەكەنى بەلگىلى. وسى رەتتە قالامىزدا الەۋمەتتىك ماڭىزى بار ازىق-تۇلىك باعاسىن تۇراقتاندىرۋ شارالارى اياسىندا بىرقاتار جۇمىستار اتقارىلۋدا.

وسىعان وراي، بۇگىن اۋىل شارۋاشىلىعى جانە ۆەتەريناريا باسقارماسىنىڭ باسشىسى ا. قانىبەكوۆ الەۋمەتتىك ماڭىزى بار ازىق-تۇلىك تاۋارلارىن تۇراقتاندىرۋ ماقساتىندا اينالىمعا قارىز قاراجاتىن بەرۋ باعىتى بويىنشا كەلىسىمشارتتار تۇزىلگەن «Magnum Cash&Carry»، «گراماد» جانە «فيركان» ساۋدا جەلىلەرىنە بارىپ، تاۋار ساپاسى مەن باعاسىنا مونيتورينگ جۇرگىزدى.

مونيتورينگ جۇرگىزۋ بارىسىندا باسقارما باسشىسى ا.قانىبەكوۆ ساۋدا جەلىلەرىندەگى ازىق-تۇلىك تاۋارلارىنىڭ باعاسىنا باستى نازار اۋدارىپ قانا قويماي، ونداعى ازىق-تۇلىك الۋشى قالا تۇرعىندارىنىڭ پىكىرلەرىن تىندادى.

ايتا كەتەيىك، «Magnum Cash&Carry» ساۋدا جەلىسىندە 19 تاۋار، «فيركان» ساۋدا جەلىسىندە 11 تاۋار جانە «گراماد» ساۋدا جەلىسىندە 12 تاۋار تۇرلەرى قامتىلىپ، كەلىسىمشارت نەگىزىندە بەلگىلەنگەن باعادا بوساتىلىپ جاتىر.

سونىمەن بىرگە، بۇگىنگى كۇنى ماۋسىمدىق كەزەڭگە بايلانىستى باعاسى وسكەن كوكونىستەر، كارتوپ جانە ءسابىز ونىمدەرى وسى اتالعان ساۋدا جەلىلەرىندە بەلگىلەنگەن باعادا ساتىلۋدا.

اتاپ ايتار بولساق، جۇمىرتقانىڭ باعاسىن تۇراقتاندىرۋ ماقساتىندا، وڭىرلىك تۇراقتاندىرۋ قورى ەسەبىنەن ءى- ساناتتى جۇمىرتقانىڭ 10 داناسى 322 تەڭگە بولدى.

ايتا كەتۋ كەرەك، اتالعان باعاداعى جۇمىرتقا «گراماد» ساۋدا جەلىسىنىڭ جىبەك جولى كوشەسى №58, ك.تولەمەتوۆ كوشەسى، №69/42, ب.مومىشۇلى داڭعىلى №6, ءا.جانگەلدين كوشەسى №3 بولىمشىلەرىندە، سونداي-اق، «فيركان» ساۋدا جەلىسىنىڭ قاپال باتىر كوشەسى №6/4, تاۋكە حان داڭعىلى №330, «فيركان سيتي»، ادىربەكوۆ كوشەسى №117/1, 4. ش.ۋاليحانوۆ كوشەسى، №213 «11 ش/ا. ماگازيندەردە جانە «ماگنۋم» ساۋدا جەلىسىنىڭ جيدەلىبايسىن كوشەسى 92, ۆولودارسكي كوشەسى 27/10 مەكەنجايلارىندا ساتىلادى.
⠀⠀
تۇراقتاندىرۋ شارالارى اياسىندا اتقارىلىپ جاتقان جۇمىستار جالعاساتىن بولادى.
قوسىمشا سۇراقتار بويىنشا حابارلاسا الاسىز: 8(7252) 24-75-41.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر