Halyqqa birinshi kezekte azyq-túlik taýarlarynyń sapasy men baǵasynyń qoljetimdiligi mańyzdy ekeni belgili. Osy rette qalamyzda áleýmettik mańyzy bar azyq-túlik baǵasyn turaqtandyrý sharalary aıasynda birqatar jumystar atqarylýda.
⠀
Osyǵan oraı, búgin Aýyl sharýashylyǵy jáne veterınarııa basqarmasynyń basshysy A. Qanybekov áleýmettik mańyzy bar azyq-túlik taýarlaryn turaqtandyrý maqsatynda aınalymǵa qaryz qarajatyn berý baǵyty boıynsha kelisimsharttar túzilgen «Magnum Cash&Carry», «Gramad» jáne «Fırkan» saýda jelilerine baryp, taýar sapasy men baǵasyna monıtorıng júrgizdi.
⠀
Monıtorıng júrgizý barysynda basqarma basshysy A.Qanybekov saýda jelilerindegi azyq-túlik taýarlarynyń baǵasyna basty nazar aýdaryp qana qoımaı, ondaǵy azyq-túlik alýshy qala turǵyndarynyń pikirlerin tyndady.
⠀
Aıta keteıik, «Magnum Cash&Carry» saýda jelisinde 19 taýar, «Fırkan» saýda jelisinde 11 taýar jáne «Gramad» saýda jelisinde 12 taýar túrleri qamtylyp, kelisimshart negizinde belgilengen baǵada bosatylyp jatyr.
⠀
Sonymen birge, búgingi kúni maýsymdyq kezeńge baılanysty baǵasy ósken kókónister, kartop jáne sábiz ónimderi osy atalǵan saýda jelilerinde belgilengen baǵada satylýda.
⠀
Atap aıtar bolsaq, jumyrtqanyń baǵasyn turaqtandyrý maqsatynda, óńirlik turaqtandyrý qory esebinen I- sanatty jumyrtqanyń 10 danasy 322 teńge boldy.
Aıta ketý kerek, atalǵan baǵadaǵy jumyrtqa «Gramad» saýda jelisiniń Jibek joly kóshesi №58, K.Tólemetov kóshesi, №69/42, B.Momyshuly dańǵyly №6, Á.Jangeldın kóshesi №3 bólimshilerinde, sondaı-aq, «Fırkan» saýda jelisiniń Qapal batyr kóshesi №6/4, Táýke han dańǵyly №330, «Fırkan Sıtı», Adyrbekov kóshesi №117/1, 4. Sh.Ýalıhanov kóshesi, №213 «11 sh/a. magazınderde jáne «Magným» saýda jelisiniń Jıdelibaısyn kóshesi 92, Volodarskıı kóshesi 27/10 mekenjaılarynda satylady.
⠀⠀
Turaqtandyrý sharalary aıasynda atqarylyp jatqan jumystar jalǵasatyn bolady.
Qosymsha suraqtar boıynsha habarlasa alasyz: 8(7252) 24-75-41.
Shymkent qalasy ákimdiginiń baspasóz qyzmeti
