شىمكەنت قالاسىندا ءۇش ايعا سوزىلعان بايراقتى باسەكە - «شىمكەنت جاستار ليگاسى» ءوز مارەسىنە جەتتى. 1 ماۋسىم – حالىقارالىق بالالاردى قورعاۋ كۇنىنە وراي ارنايى ۇيىمداستىرىلعان جابىلۋ راسىمىنە قالا اكىمى قاتىسىپ، بالالاردى مەرەكەمەن قۇتتىقتادى.
- ەلىمىزدىڭ ءۇشىنشى مەگاپوليسى شىمكەنتتىڭ بارلىق بالالارىن 1 ماۋسىم – حالىقارالىق بالالاردى قورعاۋ كۇنىمەن شىن جۇرەكتەن قۇتتىقتايمىن. بۇگىنگى قيىندىققا قاراماستان بالالاردى قۋانتۋ – بارشامىزدىڭ مىندەتىمىز. الداعى 5 جىلدا قالامىزدا ءۇش اۋىسىمدى مەكتەپتەر تولىق جويىلىپ، جاڭادان 100-گە جۋىق ءبىلىم وشاقتارى بوي كوتەرەدى، سونىمەن قوسا بارلىق بالالار الاڭشالارى جاڭارتىلىپ، زاماناۋي سپورت الاڭدارى بوي كوتەردى. تالانتتى دا ونەرلى جاستار ءتۇرلى ۇيىرمەلەر، ونلاين بايقاۋلار مەن كوڭىلدى كونكۋرستار مەن مارافوندار ارقىلى جاز مەزگىلىن قىزىقتى ءارى دۋماندى وتكىزۋگە قالا باسشىلىعى بارىنشا قولايلى جاعدايلار جاسايتىن بولامىز. بالالارىمىزدىڭ جەتىستىگى – ءبىز ءۇشىن قاشان دا ماقتانىش! شىمكەنت قالاسىنىڭ داڭقتى ءداستۇرىن جالعاي بەرىڭدەر. جازعى دەمالىستارىڭىز جاقسى ءوتسىن - دەپ تىلەك ءبىلدىردى شاھار باسشىسى مۇرات ايتەنوۆ.
جوبا مەكتەپ وقۋشىلارىنىڭ بوس ۋاقىتىن ۇيىمداستىرۋ، بۇقارالىق سپورتتى دامىتۋ جانە قر چەمپيوناتتارىنا كوماندا جاساقتاۋ ماقساتىندا العاش رەت ۇيىمداستىرىلدى. وعان 140 ءبىلىم ۇيىمىنان 536 كوماندا جاساقتالىپ، 8 569 وقۋشى قاتىسقان. سپورتتىق فۋتبول، ۆولەيبول، باسكەتبول، سونىمەن بىرگە ينتەللەكتۋالدىق شاحمات ويىندارىنان ءوتتى. جەڭىمپاز كومانداعا 20 ملن تەڭگە كولەمىندە اقشالاي سىيلىق، ال فان-كلۋبتارىنا ۆەلوسيپەدتەر تارتۋ ەتىلدى.
ليگانىڭ ناتيجەسىندە:
شاحمات
ءى ورىن №1 ا.س.پۋشكين اتىنداعى مەكتەپ-گيمنازياسى
ءىى ورىن №9 مەكتەپ-ليتسەيى
ءىىى ورىن №23 ز.كوسمودەميانسكايا اتىنىنداعى مەكتەپ-ليتسەيى
باسكەتبول
ءى ورىن №8 م.ح.دۋلاتي اتىنداعى ءۇش تىلدە وقىتاتىن مامانداندىرىلعان مەكتەپ-گيمنازياسى
ءىى ورىن №9 ءو.ا.جولداسبەكوۆ اتىنداعى ءىت ليتسەي مەكتەبى
ءىىى ورىن №28 جالپى ورتا مەكتەپ
ۆولەيبول
ءى ورىن № 64 ج.ايماۋىتوۆ اتىنداعى مەكتەپ-گيمنازياسى
ءىى ورىن №113 ءال-فارابي اتىنداعى جالپى ورتا مەكتەبى
ءىىى ورىن №50 ا.بايتۋرسىنوۆ اتىنداعى مەكتەپ-گيمنازياسى
فان-كلۋب
باس جۇلدە № 65 ى.التىنسارين اتىنداعى مەكتەپ- گيمنازياسى
ءى ورىن № 120 ب.مومىشۇلى اتىنداعى جالپى ورتا مەكتەبى
ءىى ورىن №99 مەكتەپ گيمنازياسى
ءىىى ورىن № 84 تسيولكوۆسكي اتىنداعى جالپى ورتا مەكتەپ
فۋتبول
ءى ورىن № 87 ا.نازاربەكوۆ اتىنداعى جالپى ورتا مەكتەبى
ءىى ورىن №58 جالپى ورتا ءبىلىم بەرۋ مەكتەبى
ءىىى ورىن №3 ۋلىقبەك اتىنداعى جالپى ورتا مەكتەبى
شىمكەنت قالاسى اكىمدىگىنىڭ ءباسپاسوز قىزمەتى
