بۇل - قازاقستاننىڭ جوعارى ءبىلىم بەرۋ تاريحىندا بۇرىن-سوڭدى بولماعان وقيعا. م.س. نارىكباەۆ اتىنداعى KAZGUU ۋنيۆەرسيتەتى ورتالىق ازيا بويىنشا العاشقى بولىپ CFA®-دە مويىندالدى جانە باكالاۆريات پەن ماگيستراتۋرا باعدارلاماسى بويىنشا اتالعان ينستيتۋتتىڭ ارىپتەستىك باعدارلاماسىنا قاتىسۋشى اتاندى. ينستيتۋتتىڭ ارىپتەستىك باعدارلاماسى قاتىسۋشىلارى اراسىندا اقش، ۇلىبريتانيا، كانادا، قىتاي، اۆستراليا، گونكونگ جانە ەۋروپا، ازيا ەلدەرىنىڭ بىرقاتار بەدەلدى ۋنيۆەرسيتەتى بار.
ءبىلىم بەرۋ باعدارلاماسىنىڭ مازمۇنىن تەرەڭ تالداي كەلە، ينستيتۋت ساراپشىلارى KAZGUU-ءدىڭ «قارجى» باكالاۆرياتى باعدارلاماسىنىڭ مازمۇنى CFA (CBOK) ەمتيحاندارى باعدارلاماسىنىڭ تاقىرىپتارىنىڭ كەمىندە 70 پايىزىن قامتيتىنىن اتاپ ءوتتى.
«وسى ۋاقىتقا دەيىن ءبىز باكالاۆريات دەڭگەيىنە ارنالعان CFA Institute (UAP) سەرىكتەستىك باعدارلاماسى بويىنشا مويىندالعان العاشقى قازاقستاندىق ۋنيۆەرسيتەت رەتىندە تانىلدىق. ەندى ءبىز ورتالىق ازيادا ماگيستر جانە باكالاۆر دارەجەلەرى بويىنشا مويىندالعان جالعىز ۋنيۆەرسيتەتپىز. قارجى نارىقتارى مەن دەلدالدار — قازاقستاندا جانە وڭىرلەردە وتە جىلدام دامىپ كەلە جاتقان جانە زور ءۇمىت كۇتتىرەتىن سالا. سوندىقتان قارجى باعدارلاماسىندا وقيتىن بولاشاق تۇلەكتەرىمىز جەرگىلىكتى ەڭبەك نارىقتارىندا سۇرانىسقا يە جانە قىزمەت جولى تابىستى بولادى دەپ سەنىممەن ايتا الامىز. سونىمەن قاتار الەمدەگى ەڭ بەدەلدى كاسىبي سەرتيفيكاتتاردىڭ ءبىرى ولاردى حالىقارالىق ەڭبەك نارىعىندا باسەكەگە قابىلەتتى ەتەدى، ويتكەنى مىقتى ستۋدەنتتەر سFA ەمتيحانىن وتۋگە ستيپەنديا الا الادى»، - دەپ اتاپ ءوتتى KAZGUU ەكونوميكا جوعارى مەكتەبىنىڭ ديرەكتورى ساۋلە كەمەلباەۆا.
* CFA Institute - 1963 جىلدان باستاپ جۇمىس ىستەيتىن ينۆەستيتسيا سالاسىنداعى كاسىپقويلاردىڭ جاھاندىق قاۋىمداستىعى، قارجى سالاسىنداعى ەڭ بەدەلدى سەرتيفيكاتسيا. ويتكەنى اتالعان سەرتيفيكاتسياعا يە ادامدار (holders) الەمدە، اسىرەسە قازاقستاندا دا از. بۇل ۇلتتىق جانە حالىقارالىق كومپانيالارعا جۇمىسقا ورنالاسۋعا بىرەگەي مۇمكىندىك ۇسىناتىن وتە كۇردەلى جانە كەڭ قۇزىرەتتى سەرتيفيكاتتاۋ كومپانياسى. اتالعان باعدارلاما بۇكىل الەمدەگى قارجى تالداۋشىلارى مەن كونسۋلتانتتارىنىڭ جانە باسقا دا ينۆەستيتسيالىق مامانداردىڭ داعدىلارى، ادالدىعى مەن قۇزىرەتتىلىگىنىڭ ستاندارتتارىن بەلگىلەيدى.
م.س. نارىكباەۆ اتىنداعى كازگيۋ
ۋنيۆەرسيتەتىنىڭ ءباسپاسوز قىزمەتى 8 7172 (70-30-42)
