Bul - Qazaqstannyń joǵary bilim berý tarıhynda buryn-sońdy bolmaǵan oqıǵa. M.S. Nárikbaev atyndaǵy KAZGUU Ýnıversıteti Ortalyq Azııa boıynsha alǵashqy bolyp CFA®-de moıyndaldy jáne bakalavrıat pen magıstratýra baǵdarlamasy boıynsha atalǵan ınstıtýttyń áriptestik baǵdarlamasyna qatysýshy atandy. Instıtýttyń áriptestik baǵdarlamasy qatysýshylary arasynda AQSh, Ulybrıtanııa, Kanada, Qytaı, Avstralııa, Gonkong jáne Eýropa, Azııa elderiniń birqatar bedeldi ýnıversıteti bar.
Bilim berý baǵdarlamasynyń mazmunyn tereń taldaı kele, Instıtýt sarapshylary KAZGUU-diń «Qarjy» bakalavrıaty baǵdarlamasynyń mazmuny CFA (CBOK) emtıhandary baǵdarlamasynyń taqyryptarynyń keminde 70 paıyzyn qamtıtynyn atap ótti.
«Osy ýaqytqa deıin biz bakalavrıat deńgeıine arnalǵan CFA Institute (UAP) seriktestik baǵdarlamasy boıynsha moıyndalǵan alǵashqy qazaqstandyq ýnıversıtet retinde tanyldyq. Endi biz Ortalyq Azııada magıstr jáne bakalavr dárejeleri boıynsha moıyndalǵan jalǵyz ýnıversıtetpiz. Qarjy naryqtary men deldaldar — Qazaqstanda jáne óńirlerde óte jyldam damyp kele jatqan jáne zor úmit kúttiretin sala. Sondyqtan qarjy baǵdarlamasynda oqıtyn bolashaq túlekterimiz jergilikti eńbek naryqtarynda suranysqa ıe jáne qyzmet joly tabysty bolady dep senimmen aıta alamyz. Sonymen qatar álemdegi eń bedeldi kásibı sertıfıkattardyń biri olardy halyqaralyq eńbek naryǵynda básekege qabiletti etedi, óıtkeni myqty stýdentter SFA emtıhanyn ótýge stıpendııa ala alady», - dep atap ótti KAZGUU Ekonomıka joǵary mektebiniń dırektory Sáýle Kemelbaeva.
* CFA Institute - 1963 jyldan bastap jumys isteıtin ınvestıııa salasyndaǵy kásipqoılardyń jahandyq qaýymdastyǵy, qarjy salasyndaǵy eń bedeldi sertıfıkaııa. Óıtkeni atalǵan sertıfıkaııaǵa ıe adamdar (holders) álemde, ásirese Qazaqstanda da az. Bul ulttyq jáne halyqaralyq kompanııalarǵa jumysqa ornalasýǵa biregeı múmkindik usynatyn óte kúrdeli jáne keń quzyretti sertıfıkattaý kompanııasy. Atalǵan baǵdarlama búkil álemdegi qarjy taldaýshylary men konsýltanttarynyń jáne basqa da ınvestıııalyq mamandardyń daǵdylary, adaldyǵy men quzyrettiliginiń standarttaryn belgileıdi.
M.S. Nárikbaev atyndaǵy KAZGIýÝ
Ýnıversıtetiniń baspasóz qyzmeti 8 7172 (70-30-42)
