مەملەكەت باسشىسىمەن قازاقستان حالقىنا سوڭعى جولداۋىندا كاسىپكەرلىك قىزمەتكە زاڭسىز ارالاسۋعا جول بەرمەۋ تۋرالى تالاپتار اتاپ ءوتىلدى. 2020 جىلعى 1 قاڭتاردان باستاپ پرەزيدەنتتىڭ جارلىعىمەن شاعىن جانە ميكروكاسىپكەرلىك سۋبەكتىلەرىن تەكسەرۋگە 2023 جىلعى 1 قاڭتارعا دەيىنگى مەرزىمگە تەكسەرۋلەر مەن پروفيلاكتيكالىق باقىلاۋ جۇرگىزۋگە موراتوري جاريالاندى.
موراتوري جاريالانعان ساتتەن باستاپ الماتى وبلىسىنىڭ پروكۋراتۋرا ورگاندارىمەن كاسىپكەرلىك سۋبەكتىلەرىنىڭ قىزمەتىندە زاڭسىز تەكسەرۋلەر مەن پروفيلاكتيكالىق باقىلاۋدىڭ وزگە دە نىساندارىن جۇرگىزۋدىڭ 244 فاكتىسىن، ونىڭ ىشىندە موراتوري تالاپتارىن بۇزا وتىرىپ، 128 فاكتىنى انىقتادى.
مىسالى، وتكەن جىلى ەڭبەكشىقازاق اۋدانى مەملەكەتتىك كىرىستەر باسقارماسى قىزمەتكەرى ازىق-تۇلىكتى بولشەك ساۋدادا وتكىزۋ دۇكەنىنىڭ قىزمەتىن ارالاپ، تەكسەردى. لاۋازىمدى تۇلعاعا قاتىستى اۋدان پروكۋرورىمەن قر اقبتك-ءنىڭ 175-بابى بويىنشا اكىمشىلىك ءىس قوزعالدى جانە سوت قاۋلىسىمەن كىنالى تۇلعا اكىمشىلىك جاۋاپكەرشىلىككە تارتىلدى.
تاعى ءبىر جاعداي، 2020 جىلى قاپشاعاي قالاسىنىڭ ىشكى ىستەر ورگاندارىمەن تەرروريستىك تۇرعىدان وسال وبەكتىلەرگە قويىلاتىن تالاپتاردىڭ ورىندالۋى تۇرعىسىنان ەكى شاعىن كاسىپكەرلىك سۋبەكتىسى تەكسەرىلدى. بۇل رەتتە، بيزنەس سۋبەكتىلەرى مۇنداي وبەكتىلەردىڭ تىزبەسىنە كىرمەگەن. قاداعالاۋ اكتىسى بويىنشا زاڭسىز تەكسەرۋلەردىڭ ناتيجەلەرى جويىلدى، كىنالى ادامدار جازالاندى.
اعىمداعى جىلى پوليتسيا قىزمەتكەرلەرى مونيتورينگتىك توپتاردىڭ قىزمەتىنە سىلتاۋمەن كافە، مەيرامحانالاردىڭ قىزمەتىندە كارانتيندىك شەكتەۋلەردىڭ زاڭدىلىعىنىڭ ساقتالۋىنا جەكە-دارا تەكسەرۋ جۇرگىزدى. ال پوليتسيا ورگاندارى مۇنداي تەكسەرۋلەردى تەك مونيتورينگتىك توپتاردىڭ قۇرامىندا عانا جۇرگىزۋگە ءتيىس. قاداعالاۋ اكتىلەرى بويىنشا 18 كاسىپكەر اكىمشىلىك جاۋاپكەرشىلىككە تارتىلۋىنا جول بەرىلمەدى، كىنالى پوليتسەيلەر تارتىپتىك جازاعا تارتىلدى.
زاڭسىز تەكسەرۋلەر مەن پروفيلاكتيكالىق باقىلاۋدىڭ وزگە دە نىساندارى فاكتىلەرىنە باسقا مەملەكەتتىك باقىلاۋ ورگاندارى تاراپىنان دا جول بەرىلگەن. بارلىق انىقتالعان فاكتىلەر بويىنشا پروكۋرورلىق دەن قويۋ شارالارى قابىلداندى، بيزنەستىڭ بۇزىلعان قۇقىقتارى قالپىنا كەلتىرىلدى.
الماتى وبلىسىندا كاسىپكەرلەردىڭ قۇقىقتارىنىڭ بۇزىلۋىنا دەر كەزىندە دەن قويۋ ماقساتىندا بيزنەستى قورعاۋ جونىندەگى ءموبيلدى توپتار قۇرىلىپ، جۇمىس ىستەۋدە، ولاردىڭ بايلانىس تەلەفوندارى وبلىس پروكۋراتۋراسىنىڭ سايتىندا ورنالاستىرىلعان.
