تانىمال قازاقستاندىق بلوگەردى الاياقتىق جاسادى دەپ ايىپتالدى،دەپ حابارلايدى “ادىرنا” ۇلتتىق پورتالى “الماتى” ارناسىنا سىلتەمە جاساپ.
"مەن مۇندايدى قاسىما دا تىلەمەيتىن ەدىم. شەتەلگە كەلىپ، اقشا بەرگەن سوڭ تەلەفونىمدى تارتىپ الدى. سودان كەيىن ولاردىڭ ءبىرى ماعان ۇلدانانىڭ مىنەزى اۋىر ەكەنىن جانە ودان كەشىرىم سۇراعانىم دۇرىس بولاتىنىن ايتتى. كەشىرىم سۇراۋدان باسقا امالىم قالمادى", – دەپ مالىمدەدى جابىرلەنۋشى اقگۇل مۇراتقىزى.
بلوگەر ۇلدانا ەرقاسىم ءوز كىناسىن مويىنداماعان، كەرىسىنشە، ءوز كليەنتتەرىنە قولداۋ كورسەتىپ، شارتتىڭ بارلىق تالاپتارىن ورىنداعانىن مالىمدەيدى. الايدا اقتاۋ قالاسىنىڭ پوليتسيا باسقارماسى الاياقتىق فاكتىسى بويىنشا ارىز تۇسكەنىن حابارلادى. قازىر تەكسەرۋ جۇرگىزىلۋدە. زارداپ شەككەندەردىڭ سانى الدەقايدا كوپ بولۋى مۇمكىن.
ء"بىز قازىر كۋرس ۇيىمداستىرۋشىلارىن تۇركياعا كىرىپ، باسقالاردى الداي المايتىنداي ەتىپ دەپورتاتسيالاۋعا تىرىسىپ جاتىرمىز. ويتكەنى، ەگەر ولار دەپورتاتسيالانسا، الداعى 5-6 جىلدا تۇركياعا كىرە المايدى", - دەدى زاڭگەر ايگۇل ورىنبەك.
”ادىرنا” ۇلتتىق پورتالى
