تاۋەلسىزدىكتىڭ 30 جىلدىعى جانە تالدىقورعاننىڭ وبلىس ورتالىعى بولعانىنا وراي وبلىس جەتىسۋدىڭ باس شاھارىنداعى سۋرەت كورمەسى وتتى. جەڭىس ىسقاباي، شۇكىر شاحاي مەن وزگەدە فوتوگرافتاردىڭ 300 گە جۋىق تۋىندىلارى ەل نازارىنا ۇسىنىلدى.
اتالمىش شاراعا الماتى وبلىسىنىڭ اكىمى اماندىق باتالوۆ قاتىستى. ءوزىنىڭ قۇتتىقتاۋ سوزىندە، ءوڭىر باسشىسى ەل تاۋەلسىزدىگىنىڭ 30 جىلدىعىمەن وبلىس ورتالىعىنىڭ جيىرما جىلدىعى تۇسپا-تۇس كەلگەنىن تىلگە تيەك ەتتى.
نۇرسۇلتان نازارباەۆ باسقارعان تاۋەلسىزدىك جىلدارىندا ەلىمىز تولاعاي تابىستارعا جەتتى، Cونىمەن قاتار الماتى وبلىسىدا قارقىندى تۇردە دامىپ، ەلىمىزدىڭ الەۋمەتتىك-ەكونوميكالىق جاعىنان دامۋىنا ءوز ۇلەسىن قوستى. بۇگىنگى كورمەدە ءبىزدىڭ ەلىمىز بەن وبلىس ورتالىعىنىڭ قالاي كوركەيگەنىن كورۋگە بولادى. 20 جىل ىشىندەگى جەتىستىكتەر بۇل باستاماسى عانا ەكەنىنە سەنەمىن. تالدىقورعاندى ءالى ۇلكەن جەتىستىكتەر كۇتىپ تۇر. ول ءۇشىن بىزدە مۇمكىندىكتەر كوپ، - دەپ ايتتى وبلىس اكىمى.
تالدىقورعاندىقتار مەن قالا قوناقتارى كورمەدە قازاقستاننىڭ ايقىن جەتىستىكتەرىمەن تانىسا الدى.
- ايتا كەتەيىك، شۇكىر شاحاي سوڭعى جىلدارى، 2002 جىلدان باستاپ قر پرەمەر-ءمينيسترىنىڭ جەكە فوتوگرافى رەتىندە قىزمەت اتقارادى. ءوزىنىڭ ەڭبەك جولىن 1990 جىلدان قازىرگى ەگەمەن قازاقستان گازەتىنەن باستاعان .
بۇگىنشى كورمەگە ول ءوزىنىڭ ەڭ تاڭداۋلى 100 سۋرەتىن الىپ كەلگەن. باسىم بولىگى جەتىسۋ ولكەسىنەن شىققان ازاماتتاردىڭ فوتوسۋرەتتەرى.
شارانىڭ ۇيىمداستىرۋشىسى جەڭىس ىسقابايدىڭ ايتۋىنشا، كورمە وتكىزۋدەگى ماقسات جاستارعا تۇتاس ەل مەن تۋعان قالامىزدىڭ تاريحىمەن تانىستىرىپ، ولاردى پاتريوتتىق سەزىمگە تاربيەلەۋ بولىپ تابىلادى.
"جۇز رەت ەستىگەنشە، ءبىر رەت كور" دەگەن. سول ءۇشىن ءبىز اتالعان شارانى ۇيىمداستىردىق. ءبىز وبلىسىمىز بەن ەل اۋماعىندا اتقارىلعان ىستەردى كورسەتكىمىز كەلدى. وتكەن مەن بۇگىندى سالىستىرۋ ءۇشىن. ارحيۆتە قالعان سۋرەتتەر ارقىلى تالدىقورعان مەن قازاقستاننىڭ كەزىندە قانداي بولعانىن كورسەتە الدىق، - دەيدى جەڭىس ىسقاباي.
ەستەرىڭىزگە سالامىز، شارانىڭ ۇيىمداستىرۋشىلارى وبلىستىق مادەنيەت باسقارماسى. ايتا كەتەيىك، كورمە بارىسىندا قازاقستان جۋرناليستەر وداعى مەن "ازيا-قازاقستان" سۋرەت كلۋبىنىڭ مۇشەسى جەڭىس ىسقابايدىڭ فوتوالبومى كوپشىلىككە تانىستىرىلدى.
سونداي-اق، كورمەگە قاتىسۋشى فوتوگرافتارعا الماتى وبلىسى اكىمىنىڭ العىس حاتى تابىستالدى.
