وبلىس اكىمى ارحيمەد مۇحامبەتوۆ بالالاردى تاسىمالداۋدى جۇزەگە اسىرۋ ءۇشىن اۆتوبۋستار مەن شاعىن اۆتوبۋستاردىڭ كىلتتەرىن تاپسىردى

231

بالالاردى قورعاۋ كۇنىندە وبلىس اكىمى ارحيمەد بەگەجانۇلى مۇحامبەتوۆ وبلىستىڭ 15 اۋىلدىق اۋدانىندا بالالاردى تاسىمالداۋدى جۇزەگە اسىرۋ ءۇشىن اۆتوبۋستار مەن شاعىن اۆتوبۋستاردىڭ كىلتىن تابىستادى.

وقۋشىلاردىڭ ساپالى ءبىلىم الۋىنا جاعداي جاساۋ جانە وقۋشىلاردىڭ قاۋىپسىزدىگىن قامتاماسىز ەتۋ ماقساتىندا جالپى سوماسى 229 ملن تەڭگەگە 7 اۆتوبۋس پەن 10 شاعىن اۆتوبۋس 15 ءبىلىم ءبولىمىنىڭ باسشىلارىنا بەرىلدى.

وقۋ جىلى ىشىندە وبلىستىڭ 2,5 مىڭنان استام وقۋشىسى مەكتەپتەرگە كۇندەلىكتى تاسىمالداۋمەن، 400-دەن استام وقۋشى اپتا سايىن تاسىمالداۋمەن قامتاماسىز ەتىلەدى. 2020 جىلى جالپى سوماسى 200 ملن.تەڭگەگە 13 اۆتوبۋس ساتىپ الىندى.

اۆتوپاركتى بىردەن 17 اۆتوبۋسپەن جانە شاعىن اۆتوبۋسپەن تولىقتىرۋ مەكتەپ وقۋشىلارىن تاسىمالداۋدى نەعۇرلىم ىڭعايلى جانە قاۋىپسىز ەتۋگە مۇمكىندىك بەرەدى.

«ءبىز مەملەكەتتىڭ قولداۋىنىڭ ارقاسىندا بالالارىمىزدىڭ بولاشاقتا جەتىستىككە جەتۋى، ولاردىڭ ارقايسىسى مەكتەپتە قاجەتتى ءبىلىم الۋى ءۇشىن تاسىمالداۋ جاعدايىن جاقسارتا الاتىنىمىزعا قۋانىشتىمىز»، - دەپ التىنسارين اۋدانىنىڭ ءبىلىم بەرۋ ءبولىمىنىڭ باسشىسى اقمارجان بەرماعانبەتوۆا ءوز اسەرىمەن ءبولىستى.

وبلىستا قالا مەن اۋىل اراسىنداعى الشاقتىقتى قىسقارتۋ بويىنشا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ قازاقستان حالقىنا جولداۋىندا العا قويعان مىندەتتەرىن ورىنداۋ ءۇشىن كوپتەگەن ىستەر تىندىرىلۋدا.

«Nur Otan» پارتياسىنىڭ سايلاۋالدى باعدارلاماسىن ىسكە اسىرۋ بارىسىندا «وزگەرىس جولى: اركىمگە لايىقتى ءومىر!» 2025 جىلعا دەيىن 407 اۋىل مەكتەبىن، ونىڭ ىشىندە بيىل 82 مەكتەپتى جاڭعىرتۋ جوسپارلانعان.

جالپى سوماسى 9,8 ملرد.تەڭگەگە 3040 ورىندىق 7 جاڭا مەكتەپتىڭ قۇرىلىسى جوسپارلانۋدا. ۇستىمىزدەگى جىلى مەكتەپتەردىڭ ماتەريالدىق-تەحنيكالىق بازاسىن نىعايتۋعا 2,4 ملرد. تەڭگە باعىتتالدى، مەكتەپ جيھازى، سپورت جابدىعى جاڭارتىلادى، وبلىس مەكتەپتەرىنە 35 پاندىك كابينەت جانە STEM-زەرتحانالارى اكەلىنەدى.

پىكىرلەر
رەداكتسيا تاڭداۋى