بۇگىن قوستاناي قالاسىندا توبىل وزەنى ارقىلى وتەتىن «كارىس كوپىرى» بويىنشا قوزعالىس جارتىلاي اشىلدى. ءوڭىر باسشىسى ارحيمەد مۇحامبەتوۆ كوپىردىڭ قۇرىلىسىمەن تانىستى. ازىرگە تەك جولدىڭ ءبىر جولاعى عانا اشىلدى. 1 جەلتوقساننان باستاپ، قوس كەڭ جولاقتى كوپىر تۇتاستاي قولدانىسقا بەرىلەدى، دەپ حابارلايدى “ادىرنا” ۇلتتىق پورتالى قوستاناي وبلىسى اكىمىنىڭ ءباسپاسوز قىزمەتىنە سىلتەمە جاساپ.
بۇگىنگى كۇنى بارلىق نەگىزگى جۇمىس تۇرلەرى اياقتالدى جانە سىناقتاردان ءساتتى ءوتتى.
جوبا اياسىندا كوپىرگە كىرەبەرىستى I تەحنيكالىق ساناتقا دەيىن جەتكىزۋ جۇمىستارى جۇرگىزىلدى، بۇگىنگى تاڭدا اۆتوكولىك قوزعالىسىنا ارنالعان 4 جولاق بار، ال جولدىڭ ءجۇرۋ بولىگىنىڭ ەنى - 15 م، كوپىردىڭ ۇزىندىعى-261 م قۇرايدى.
وسىلايشا توبىل وزەنى ارقىلى وتەتىن باسقا 2 كوپىرگە جۇكتەمە ازايادى.
زارەچنوە اۋىلى مەن توبىل قالاسىنىڭ تۇرعىندارى جانە وبلىس ورتالىعى ارقىلى وتەتىن جۇرەتىن كولىكتەر ەلىمىزدىڭ ورتالىق ايماعىنا تەزىرەك جەتۋگە مۇمكىندىك الدى.
“ادىرنا” ۇلتتىق پورتالى
