Balalardy qorǵaý kúninde oblys ákimi Arhımed Begejanuly Muhambetov oblystyń 15 aýyldyq aýdanynda balalardy tasymaldaýdy júzege asyrý úshin avtobýstar men shaǵyn avtobýstardyń kiltin tabystady.
Oqýshylardyń sapaly bilim alýyna jaǵdaı jasaý jáne oqýshylardyń qaýipsizdigin qamtamasyz etý maqsatynda jalpy somasy 229 mln teńgege 7 avtobýs pen 10 shaǵyn avtobýs 15 bilim bóliminiń basshylaryna berildi.
Oqý jyly ishinde oblystyń 2,5 myńnan astam oqýshysy mektepterge kúndelikti tasymaldaýmen, 400-den astam oqýshy apta saıyn tasymaldaýmen qamtamasyz etiledi. 2020 jyly jalpy somasy 200 mln.teńgege 13 avtobýs satyp alyndy.
Avtoparkti birden 17 avtobýspen jáne shaǵyn avtobýspen tolyqtyrý mektep oqýshylaryn tasymaldaýdy neǵurlym yńǵaıly jáne qaýipsiz etýge múmkindik beredi.
«Biz memlekettiń qoldaýynyń arqasynda balalarymyzdyń bolashaqta jetistikke jetýi, olardyń árqaısysy mektepte qajetti bilim alýy úshin tasymaldaý jaǵdaıyn jaqsarta alatynymyzǵa qýanyshtymyz», - dep Altynsarın aýdanynyń bilim berý bóliminiń basshysy Aqmarjan Bermaǵanbetova óz áserimen bólisti.
Oblysta qala men aýyl arasyndaǵy alshaqtyqty qysqartý boıynsha Qazaqstan Respýblıkasynyń Prezıdenti Qasym-Jomart Toqaevtyń Qazaqstan halqyna Joldaýynda alǵa qoıǵan mindetterin oryndaý úshin kóptegen ister tyndyrylýda.
«Nur Otan» partııasynyń saılaýaldy baǵdarlamasyn iske asyrý barysynda «Ózgeris joly: árkimge laıyqty ómir!» 2025 jylǵa deıin 407 aýyl mektebin, onyń ishinde bıyl 82 mektepti jańǵyrtý josparlanǵan.
Jalpy somasy 9,8 mlrd.teńgege 3040 oryndyq 7 jańa mekteptiń qurylysy josparlanýda. Ústimizdegi jyly mektepterdiń materıaldyq-tehnıkalyq bazasyn nyǵaıtýǵa 2,4 mlrd. teńge baǵyttaldy, mektep jıhazy, sport jabdyǵy jańartylady, oblys mektepterine 35 pándik kabınet jáne STEM-zerthanalary ákelinedi.
