الماتى قالاسى ىشكى ساياسات باسقارماسىنىڭ قولداۋىمەن «قازاقستاننىڭ ۇەۇ ارو ۇلتتىق جۇيەسىنىڭ» ۇيىمداستىرۋىمەن «رۋحاني جاڭعىرۋ: ازاماتتىق سەكتوردىڭ الەۋمەتتىك باستامالارى مەن جوبالارى» اتتى ۇزدىك الەۋمەتتىك جوبالار بايقاۋى وتكەن بولاتىن. بىرنەشە جەڭىمپازدارمەن بىرگە «ادىرنا» ۇلتتىق-ەتنوگرافيالىق بىرلەستىگىنىڭ ۇسىنعان جوباسى ۇزدىكتەر ساناتىنان كورىنىپ، ارنايى ديپلوممەن جانە باعالى سيلىقتارمەن ماراپاتتالدى.
بايقاۋ قورىتىندىسى بويىنشا ۇزدىك الەۋمەتتىك يدەيالار جارمەڭكەسى جانە دوڭگەلەك ۇستەل، ۇەۇ ارنالعان سەمينار-ترەنينگ ۇيىمداستىرىلدى.
نۇرلان سىدىقوۆ، الماتى قالاسى ىشكى ساياسات باسقارماسىنىڭ باسشىسى:
- كەيىنگى جىلدارى مەملەكەتىمىزدىڭ ۇكىمەتتىك ەمەس ۇيىمداردىڭ جۇمىستارىنا كوڭىل ءبولىپ كەلە جاتقانى ءمالىم. مۇنداي جاعداي جالعىز بىزدە ەمەس، الەمنىڭ كوپتەگەن ەلدەرىندە جولعا قويىلىپ، جەمىستى جۇمىستار اتقارۋدا. الماتى قالاسىنداعى ۇەۇ-دى جان-جاقتى قولداۋ ماقساتىندا «ۇەۇ مەكتەبى» جوباسى قولعا الىنعان ەدى.
قازىرگى ۋاقىتتا الماتىدا 4 مىڭنان استام ۇكىمەتتىك ەمەس ۇيىم جۇمىس ىستەۋدە. ۇەۇ-دار جىلدان جىلعا بەلسەندىلىكتەرىن ارتتىرىپ كەلە جاتىر. وعان الماتى قالاسىنداعى ۇكىمەتتىك ەمەس ۇيىمداردىڭ اقپاراتتىق ورتالىعىنىڭ جۇيەلى قىزمەتى دە سەپتىگىن تيگىزۋدە.
دوڭگەلەك ۇستەلدە جينالعان قوعامدىق ۇيىمداردىڭ جەتەكشىلەرى ۇكىمەتتىك ەمەس ۇيىمداردىڭ جۇمىسىن بارىنشا جەڭىلدەتىپ، قوعامعا قىزمەت ەتەتىن ۇزدىك يدەيالاردى الدىعا جىلجىتۋعا سەپتىگىن تيگىزىپ كەلە جاتقان الماتى قالاسى ىشكى ساياسات باسقارماسىنىڭ باسشىسى نۇرلان ەربولاتۇلى سىدىقوۆ مىرزاعا، «قازاقستاننىڭ ۇەۇ ارو ۇلتتىق جۇيەسى» زتب ءتورايىمى التىناي كوبەەۆا حانىمعا ەرەكشە العىستارىن جەتكىزدى. راسىندا «قازاقستاننىڭ ۇەۇ ارو ۇلتتىق جۇيەسى» ارقىلى قوعامدىق ۇيىمدار ءوزارا اقپارات الماسىپ، باسەكەلەستىكتەرىن قالىپتاستىرىپ كەلەدى. ەلىمىزدە، ءتىپتى شەتەلدەردە قوعامدىق قورلاردى دامىتۋعا باعىتتالعان بايقاۋلار تۋرالى جانە تاعى باسقا ماڭىزدى ماعلۇماتتار جايىندا دەر كەزىندە اقپارات الۋعا ۇلكەن مۇمكىندىكتەر تۋعىزدى. جوعارىدا ايتىلعان اتاۋلى بايقاۋدىڭ ارمەن قاراي دا مەملەكەتتىڭ، قوعامنىڭ دامۋىنا ولشەۋسىز ۇلەس قوسا بەرەتىندىگىنە سەنىمىمىز كامىل.
جاسۇلان ناۋرىءزالى
