Almaty qalasy Işkı saiasat basqarmasynyŋ qoldauymen «Qazaqstannyŋ ÜEŪ ARO ūlttyq jüiesınıŋ» ūiymdastyruymen «Ruhani jaŋǧyru: azamattyq sektordyŋ äleumettık bastamalary men jobalary» atty üzdık äleumettık jobalar baiqauy ötken bolatyn. Bırneşe jeŋımpazdarmen bırge «Adyrna» ūlttyq-etnografiialyq bırlestıgınıŋ ūsynǧan jobasy üzdıkter sanatynan körınıp, arnaiy diplommen jäne baǧaly silyqtarmen marapattaldy.
Baiqau qorytyndysy boiynşa üzdık äleumettık ideialar järmeŋkesı jäne döŋgelek üstel, ÜEŪ arnalǧan seminar-trening ūiymdastyryldy.
Nūrlan SYDYQOV, Almaty qalasy Işkı saiasat basqarmasynyŋ basşysy:
- Keiıngı jyldary memleketımızdıŋ Ükımettık emes ūiymdardyŋ jūmystaryna köŋıl bölıp kele jatqany mälım. Mūndai jaǧdai jalǧyz bızde emes, älemnıŋ köptegen elderınde jolǧa qoiylyp, jemıstı jūmystar atqaruda. Almaty qalasyndaǧy ÜEŪ-dy jan-jaqty qoldau maqsatynda «ÜEŪ mektebı» jobasy qolǧa alynǧan edı.
Qazırgı uaqytta Almatyda 4 myŋnan astam ükımettık emes ūiym jūmys ısteude. ÜEŪ-dar jyldan jylǧa belsendılıkterın arttyryp kele jatyr. Oǧan Almaty qalasyndaǧy Ükımettık emes ūiymdardyŋ Aqparattyq Ortalyǧynyŋ jüielı qyzmetı de septıgın tigızude.
Döŋgelek üstelde jinalǧan qoǧamdyq ūiymdardyŋ jetekşılerı Ükımettık emes ūiymdardyŋ jūmysyn barynşa jeŋıldetıp, qoǧamǧa qyzmet etetın üzdık ideialardy aldyǧa jyljytuǧa septıgın tigızıp kele jatqan Almaty qalasy Işkı saiasat basqarmasynyŋ basşysy Nūrlan Erbolatūly Sydyqov myrzaǧa, «Qazaqstannyŋ ÜEŪ ARO ūlttyq jüiesı» ZTB töraiymy Altynai Köbeeva hanymǧa erekşe alǧystaryn jetkızdı. Rasynda «Qazaqstannyŋ ÜEŪ ARO ūlttyq jüiesı» arqyly qoǧamdyq ūiymdar özara aqparat almasyp, bäsekelestıkterın qalyptastyryp keledı. Elımızde, tıptı şetelderde qoǧamdyq qorlardy damytuǧa baǧyttalǧan baiqaular turaly jäne taǧy basqa maŋyzdy maǧlūmattar jaiynda der kezınde aqparat aluǧa ülken mümkındıkter tuǧyzdy. Joǧaryda aitylǧan atauly baiqaudyŋ ärmen qarai da memlekettıŋ, qoǧamnyŋ damuyna ölşeusız üles qosa beretındıgıne senımımız kämıl.
Jasūlan NAURYZÄLI
