قىتاي كوروناۆيرۋستىق پاندەميا ءۇشىن باسقا ەلدەرگە كەم دەگەندە ون تريلليون دوللار تولەۋى كەرەك. بۇل تۋرالى اقش-تىڭ بۇرىنعى پرەزيدەنتى دونالد ترامپ سولتۇستىك كارولينا رەسپۋبليكالىق كونگرەسىندە سويلەگەن سوزىندە ايتتى، دەپ حابارلايدى «ادىرنا» ءتىلشىسى.
"امەريكا مەن بۇكىل الەمنىڭ قىتاي كوممۋنيستىك پارتياسىنان وتەماقى مەن جاۋاپكەرشىلىكتى تالاپ ەتەتىن ۋاقىتى كەلدى. ءبىز ەل قۇن تولەۋى كەرەك دەپ ءبىراۋىزدان ايتۋىمىز كەرەك", — دەدى ول.
ەكس-پرەزيدەنت سونىمەن بىرگە بارلىق قىتاي تاۋارلارىنا دەرەۋ ءجۇز پايىزدىق باج سالىعىن ەنگىزۋگە شاقىردى.
ەسكە سالا كەتەيىك، بۇعان دەيىن ترامپ كوروناۆيرۋستىڭ الەم ەلدەرىنە تاراپ كەتۋىنە قىتايدى ايىپتاعان بولاتىن.
«ادىرنا» ۇلتتىق پورتالى
