Qytaı koronavırýstyq pandemııa úshin basqa elderge kem degende on trıllıon dollar tóleýi kerek. Bul týraly AQSh-tyń burynǵy prezıdenti Donald Tramp Soltústik Karolına respýblıkalyq kongresinde sóılegen sózinde aıtty, dep habarlaıdy «Adyrna» tilshisi.
"Amerıka men búkil álemniń Qytaı kommýnıstik partııasynan ótemaqy men jaýapkershilikti talap etetin ýaqyty keldi. Biz el qun tóleýi kerek dep biraýyzdan aıtýymyz kerek", — dedi ol.
Eks-prezıdent sonymen birge barlyq qytaı taýarlaryna dereý júz paıyzdyq baj salyǵyn engizýge shaqyrdy.
Eske sala keteıik, buǵan deıin Tramp koronavırýstyń álem elderine tarap ketýine Qytaıdy aıyptaǵan bolatyn.
«Adyrna» ulttyq portaly
