پاندەميا باستالعالى ءۇندىستاندا كوروناۆيرۋسپەن اۋىرعانداردىڭ سانى 28,4 ملن جەتكەن. جالپى ەلدەگى جاعداي قازىرگى تاڭدا ۋشىعىپ تۇر. تابيعي اپات تا ەلدى اينالىپ وتپەدى، پاندەميامەن قوسىلىپ حالىقتى ابدەن قىسپاققا العان. ءۇندىستان دارىگەرلەرىنىڭ پىكىرلەرى مەن سۇحباتتارىنا نازار اۋدارار بولساق، حالىق ۆيرۋستان ساقتاناتىن ەشقانداي قاۋىپسىزدىك شارالارىن جاساماعان. كوپتەگەن ءدىني، ۇلتتىق مەرەكەلەردە حالىق سانيتارلىق نورمالاردى ۇمىت قالدىرىپ، سونىڭ اسەرىنەن قازىر ەلدە جاعداي قيىنداعان.
سوڭعى اپتادا جاڭا ۆيرۋس ءتۇرى پايدا بولدى، ياعني مۋكوميركوز اۋرۋى بەلەڭ العان. دەرەكتەر بويىنشا، ەلدە «قارا زەڭ» اۋرۋىمەن اۋىرعانداردىڭ سانى 9000-عا جەتكەن. بۇل دەرتتەن امان قالۋ مۇمكىندىگى 50/50. تەك كەيبىرەۋلەرىنىڭ كوز جانارىن الىپ تاستاعان جاعدايدا عانا ءارى قاراي ءومىر ءسۇرۋى مۇمكىن. ۇندىستاندىق دارىگەرلەر ناۋقاستاردىڭ ساراپتاما ناتيجەسىنە قاراپ، ولاردىڭ بۇرىن كوروناۆيرۋسپەن اۋىرعانىن انىقتادى. دەمەك، بۇل ۆيرۋس ءالسىز يممۋنيتەتكە تەز جۇعادى. قازىرگى تاڭدا اۋرۋدى جۇقتىرعاندا سانى ارتىپ كەلەدى، ەلدى-مەكەندەردى جاڭا ەپيدەمياعا بايلانىستى قايتا جابۋى مۇمكىن. ءۇندىستاندى ۇركىتىپ وتىرعان مۋكورميكوز - جۇقپالى ۆيرۋس. وتە سيرەك كەزدەسەدى، بىراق وسىمدىكتەردە، توپىراقتا، كوڭ، تەزەك، قي، شىرىگەن جەمىستەردە كەزدەسەتىن ميكروبتاردان تارايدى. تىنىس جولدارىن زاقىمداپ، اعزاعا ۇلكەن زيان اكەلەدى. ديابەتتەرگە، ۆيچ، سپيد، يممۋنيتەتى تومەن ادامدارعا وتە قاۋىپتى . مۋكورميكوزدىڭ اسقىنۋى وتە اۋىر بولۋى مۇمكىن: سوقىرلىق، اعزا قىزمەتىنىڭ بۇزىلۋى، ينفەكتسيا مەن تازارتۋدىڭ سالدارىنان دەنە تىندەرىنىڭ جوعالۋى جانە ءولىم. قازىرگى ساتتە الدىن الۋ شارالارى دا قاراستىرىلماعان. سەبەبى دارىگەرلەرگە ونىڭ ەمىن تابۋ ءۇشىن ءبىراز ۋاقىت قاجەت. وعان قوسا ەشقانداي ۆاكتسينا جوق.
ايتا كەتەتىن، تاعى ءبىر جاعداي، مۋكوميكوزدان ادامدار كوشەدە ءولىپ جاتقان جوق. الەمدى شوشىتىپ وتىرعان بەينەروليكتەردە ادامداردى ورتەپ جاتقانى كورسەتىلگەن. ەلدى دۇرلىكتىرۋ ءۇشىن كوپتەگەن جاڭالىقتاردى تىپتەن بۇرمالاپ شىعارۋشى باق-تار بر.
ساقتىقتا قورلىق جوق. بەتپەردە تاعىپ ءجۇرىڭىز. ءوزىڭىز ءۇشىن، وزگە ءۇشىن. جاقىنىمىزعا جاناشىر بولايىق!
