شىمكەنت ينۆەستيتسيالىق بەلسەندىلىك بويىنشا بەستىككە كىردى

589

2021 جىلدىڭ قاڭتار-ءساۋىر ايلارىنىڭ قورىتىندىسى بويىنشا قالا ەكونوميكاسىنا 59,7 ملرد. تەڭگە ينۆەستيتسيا تارتىلىپ، وتكەن جىلدىڭ ءتيىستى كەزەڭىمەن سالىستىرعاندا 25,2 پايىزعا ارتتى. ءوسىم بويىنشا قالامىز رەسپۋبليكادا ءبىرىنشى بەستىككە كىرىپ وتىر. ال، 2020 جىلدىڭ وسى ۋاقىت ارالىعىندا قالا ەكونوميكاسىنا 47,2 ملرد. تەڭگە ينۆەستيتسيا تارتىلعان بولاتىن.ينۆەستيتسيالىق ءوسىمنىڭ ارتۋى جانە ناتيجەلى جۇمىس ءۇشىن شىمكەنت قالاسى اكىمىنىڭ باستاماسىمەن ينۆەستيتسيالىق شتاب قۇرىلعان.

سونىمەن قاتار، 2021-2025 جىلدار جالپى قۇنى 2,5 ترلن. تەڭگەنى قۇرايتىن 261 ينۆەستيتسيالىق جوبا ىسكە اسىرىلىپ، 20 مىڭنان اسا جاڭا جۇمىس ورنىمەن قامتىلاتىن بولادى. ونىڭ ىشىندە، 2021 جىلى جالپى قۇنى 171,6 ملرد. تەڭگەنى قۇرايتىن، 2,5 مىڭ جاڭا جۇمىس ورنىمەن، 68 ينۆەستيتسيالىق جوبانىڭ ىسكە اسىرىلۋى جوسپارلانۋدا. جالپى كاسىپكەرلىك قولداۋ كارتاسى اياسىندا وسى جىلى قالا اۋماعىندا 56,1 ملرد. تەڭگەگە 1 مىڭنان استام جۇمىس ورنىن قۇرۋمەن 21 جوبانى ىسكە قوسۋ كوزدەلگەن.

جوعارىدا اتالعان جوبالارعا تۇراقتى مونيتورينگ جۇمىستارىن جۇرگىزۋ، پروبلەمالىق ماسەلەلەرىن شەشۋ، قالانىڭ جالپى ينۆەستيتسيالىق احۋالىن جاقسارتۋ جۇمىستارى اپتا سايىن ينۆەستيتسيالىق شتاب وتىرىسىندا قارالىپ وتىرادى. شتابتىڭ نەگىزگى قىزمەتى – ينۆەستورلاردى مەملەكەتتىك قولداۋ ارقىلى ىنتالاندىرۋ، قالا اۋماعىندا جۇمىس ىستەپ تۇرعان ءوندىرىس ورىندارىن كەڭەيتۋ مەن جاڭارتۋ، جاڭا ءوندىرىس الاڭدارىن قۇرۋ، ينۆەستيتسيالىق جوبالاردى جۇزەگە اسىرۋداعى پروبلەمالىق ماسەلەلەردى شەشۋدى جەدەلدەتۋ.

شتاب وتىرىسىندا ينۆەستيتسيالىق جوبا بويىنشا جاۋاپتىلارعا تاپسىرمالار جۇكتەلىپ، ولاردىڭ ورىندالۋى تۇراقتى باقىلاۋدا. بۇگىنگى تاڭدا بىرقاتار جۇيەلى ماسەلەلەر شەشىمىن تابۋدا.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر
رەداكتسيا تاڭداۋى