30 جىل تاۋەلسىزدىگىمىزدە ورىس تىلىنەن قۇتىلا الماي، بالالارىمىزدىڭ ءتىلى شۇبارلانىپ، تىلدىك قورىمىز جۇتاڭداپ، ءتىلىمىز ءولىم الدىندا تۇرعاندا، ورىس ءتىلى ازداي، وعان اراب ءتىلى مەن اعىلشىن ءتىلى قوسىلىپ، ولەيىن دەپ جاتقان انا ءتىلىمىزدى ودان سايىن تەپكىلەپ، تۇرا الماستاي السىرەتىپ جاتىر...
"ماشاللاح، ينشاللاح، استافيرۋللاح، اللاح، ماللاح...." دەمەي، سول سوزدەردىڭ قازاقشاسىن ايتايىق دەپ سوڭعى 20 جىلدا از شىرىلدامادىق... ناتيجە جوق...
ەندى ءمۇيىزى قاراعايداي ارنالار مەن جۋرناليستەردىڭ قازاق سوزىنە اعىلشىنشا ءسوزدى قوساقتاپ، سيام ەگىزدەرى سياقتى سۇرىقسىز اتاۋلارمەن باعدارلامالاردىڭ ءتۇر-ءتۇرىن شىعارۋدى سانگە اينالدىرعالى قاشان؟!..
بۇرىن دا بىرنەشە رەت ايتتىق، تاعى دا قايتالايمىن: ءتىلدى - انا تىلدەرىڭدى، مەملەكەتتىك ءتىلدى (!), قازاق ءتىلىن شۇبارالا قىلىپ، سۇيكىمىن كەتىرۋگە، السىرەتۋگە، تەلەارنالار مەن جۋرناليستەر، سەندەر ۇلەس قوسساڭدار، باسقالاردان نە ءۇمىت، نە قايىر؟؟؟
30 جىل بويى بۇل ەلدە جۋرناليستەر - باستى يدەولوگتار بولعانىن بىلەسىڭدەر مە وزدەرىڭ؟ سەندەردە نامىس بار ما ءوزى؟ "لايك، مايك، تايك، تايم، سايم" دەگەن اعىلشىنشا سوزدەردى قوسارلاپ قوساقتاعاننان اعىلشىن بوپ كەتەمىز دەپ ويلايسىڭدار ما؟؟؟ كەرىسىنشە، جۇرەكتى اينىتاسىڭدار...
