"Allah, mallah, inşallah" demei, qazaqşa aitaiyq

30 jyl Täuelsızdıgımızde orys tılınen qūtyla almai, balalarymyzdyŋ tılı şūbarlanyp, tıldık qorymyz jūtaŋdap, tılımız ölım aldynda tūrǧanda, orys tılı azdai, oǧan arab tılı men aǧylşyn tılı qosylyp, öleiın dep jatqan ana tılımızdı odan saiyn tepkılep, tūra almastai älsıretıp jatyr... "Maşallah, inşallah, astafirullah, allah, mallah...." demei, sol sözderdıŋ qazaqşasyn aitaiyq dep soŋǧy 20 jylda az şyryldamadyq... Nätije joq... Endı müiızı qaraǧaidai arnalar men jurnalisterdıŋ qazaq sözıne aǧylşynşa sözdı qosaqtap, siam egızderı siiaqty sūryqsyz ataularmen baǧdarlamalardyŋ tür-türın şyǧarudy sänge ainaldyrǧaly qaşan?!.. Būryn da bırneşe ret aittyq, taǧy da qaitalaimyn: tıldı - ana tılderıŋdı, memlekettık tıldı (!), QAZAQ TILIN şūbarala qylyp, süikımın ketıruge, älsıretuge, TELEARNALAR men JURNALİSTER, sender üles qossaŋdar, basqalardan ne ümıt, ne qaiyr??? 30 jyl boiy būl elde jurnalister - basty ideologtar bolǧanyn bılesıŋder me özderıŋ? Senderde namys bar ma özı? "Laik, maik, taik, taim, saim" degen aǧylşynşa sözderdı qosarlap qosaqtaǧannan aǧylşyn bop ketemız dep oilaisyŋdar ma??? Kerısınşe, jürektı ainytasyŋdar...