وتكەن جىلى وبلىس تۇرعىندارىنىڭ 59%-ىنە، ياعني 1,2 ملن. ادامنىڭ گازعا قوسىلۋىنا مۇمكىندىك تۋدى. بيىلعى جىلى تاعى 23 ەلدى مەكەندە وسىنداي جاعداي جاسالىپ، كورسەتكىش 61%-كە جەتەدى. بۇل تۋرالى بۇگىن نۇر-سۇلتان قالاسىنداعى ورتالىق كوممۋنيكاتسيالار قىزمەتى الاڭىندا وتكەن بريفينگ كەزىندە الماتى وبلىسىنىڭ اكىمى اماندىق باتالوۆ ايتتى، - دەپ حابارلايدى Jetisy Media.
ءوڭىر باسشىسىنىڭ ايتۋىنشا، ازىرگە كوگىلدىر وتىن جەتكىزىلمەگەن بەس اۋدان قالدى:
«وسى اۋدانداردى گازداندىرۋ ءۇشىن «تالدىقورعان - ءۇشارال»، «شەلەك-كەگەن» ماگيسترالدى گاز قۇبىرى قۇرىلىسىنىڭ جوبالىق-سمەتالىق قۇجاتتاماسىن اياقتايمىز. قۇرىلىس جۇمىستارى كەلەسى جىلدان باستالادى»، - دەدى ا. باتالوۆ.
سول سياقتى سپيكەر ورتالىقتاندىرىلعان اۋىز سۋمەن قامتۋ دەڭگەيى رەسپۋبليكا بويىنشا الدىڭعى قاتاردا ەكەنىن تىلگە تيەك ەتتى، ياعني 98,3%، بۇل 678 ەلدى مەكەن قامتىلدى دەگەن ءسوز. بيىلعى جىلى 7 اۋىلعا سۋ قۇبىرىن جۇرگىزۋ ەسەبىنەن بۇل كورسەتكىش 99,5% جەتكىزىلەدى، سول سياقتى 11 اۋىلدا اۋىز سۋ ساپاسى جاقسارتىلادى.
بايانداماشىنىڭ سوزىنە سۇيەنسەك، جىلدان جىلعا جول ساپاسى دا جاقسارىپ كەلەدى، قازىرگى كەزدە جاقسى جانە قاناعاتتارلىق جاعدايداعى جەرگىلىكتى ماڭىزداعى جولداردىڭ ۇلەسى - 84%. بيىلعى جىلى 385 ەلدى مەكەندە وبلىستىق ماڭىزداعى جانە اۋىلىشىلىك 332 كم جول جوندەلەدى، وعان 33 ملرد. تەڭگە ءبولىندى.
