الماتى قالاسىندا «گازپرومنەفت-قازاقستان كومپانياسى» جشس-عا ستاندارتتاردى بۇزعانى ءۇشىن 3 145 600 تەڭگە كولەمىندە ايىپپۇل سالىندى، دەپ حابارلايدى "ادىرنا" ۇلتتىق پورتالى.
بۇل تۋرالى قر ساۋدا جانە ينتەگراتسيا مينيسترلىگىنە قاراستى تەحنيكالىق رەتتەۋ جانە مەترولوگيا كوميتەتىنىڭ قالالىق دەپارتامەنتى حابارلادى.
كوميتەت ماماندارى جەكە تۇلعانىڭ شاعىمى نەگىزىندە جوسپاردان تىس تەكسەرۋ جۇرگىزگەن. تەكسەرۋ بارىسىندا «ولشەم بىرلىگىن قامتاماسىز ەتۋ تۋرالى» جانە «تەحنيكالىق رەتتەۋ تۋرالى» زاڭ تالاپتارىنىڭ بۇزىلعانى انىقتالعان.
«مەملەكەتتىك مەترولوگيالىق باقىلاۋ كەزىندە اي-95-ك4 ماركالى بەنزينىن قۇيۋ بارىسىندا رۇقسات ەتىلگەن شەكتى مولشەردەن اساتىن اۋىتقۋ انىقتالدى. №1 وتىن تاراتۋ كولونكاسىنان (ترك) 20 ليتر جانارماي قۇيىلعان كەزدە 100 ميليليتر كولەمىندە جەتىسپەۋشىلىك بولعان»، – دەپ حابارلادى كوميتەت وكىلدەرى.
قازاقستان زاڭناماسىنا سايكەس، جانار-جاعارماي قۇيۋ بەكەتتەرىندە مۇناي ونىمدەرىنىڭ كولەمىن ولشەۋدەگى ەڭ جوعارى رۇقسات ەتىلگەن قاتەلىك ±4% بولۋى ءتيىس.
زاڭ بۇزۋشىلىق فاكتىسى بويىنشا «گازپرومنەفت-قازاقستان كومپانياسى» اكىمشىلىك جاۋاپكەرشىلىككە تارتىلىپ، 3 ميلليون تەڭگەدەن استام ايىپپۇل سالىندى.
